جبت البدله  دي منين 😍

اقرأ وركز و اعرف كيف تدخل السماء

حلم عمره إنه يشتغل في الشركة الكبيرة دي ..رايح جاي عمال يبص عليها و يقول ااااه لو اقدر اشتغل هنا .. وتعدي أيام وسنين والحلم شكله ممكن يبقي حقيقة.. الشركه طالبة موظفين جدد .. وتبدأ نصائح الأصحاب.. إكتب cv كويس، خلّي بالك من ال interview، حاول تبين إنك مش مدلوق قوي علي الشغلانة .. نصائح نصائح ما ليها أول من آخر .. ماهو برضه معاهم حق دي فرصة العمر .. على العموم ربنا يستر. وجاء ميعاد المقابلة .. صاحبنا صحي من النجمة لبس الحتة اللي على الحبل .. أخذ كل اوراقه و راح الشركة. وصل المبني و عينه بتبص علي الصرح العظيم ..وللحظة تخيل نفسه وهو قاعد علي مكتبه الجديد وغمرته السعادة .. اخيييييييرا تعب السنين هايجيب نتيجة. وفجأة، عدّت عربية مسرعة وطرطشت مية من الأرض علي بدلته .. يانهاااااار البدلة بقت طين ...الحلم إتبخر في ثانية وخيبة الأمل استحوذت عليه ...يدخل بالبدلة المتسخة؟ بس إزاي؟ دي الانطباعات الاولي مهمة جداً.. طيب يمشي ويضيع حلم عمره ؟ بصراحة موقف لا يحسد عليه .. فى وسط حيرته وإكتئابه، لقي واحد فتح باب الشركة و قاله انا شفت اللي حصلك .. خد البدلة دي بسرعة وإلبسها علشان تلحق ميعادك .. صاحبنا رجعتله روحه مرة تاني وماكانش عارف يشكر الراجل ازاي.. طلع ودخل عند رئيس مجلس الإدارة ..المقابلة ابتدت وصاحبنا عمال يسرد حسناته وازاي انه عنده خبرة كبيرة وإن مجتهد و و و و ..ورئيس مجلس الإدارة مش بيبص غير علي البدلة.. صاحبنا خد باله وقعد يزود اكتر في سرد مهاراته وقدراته وإنه أحق واحد للشغلانة دي .. لكن رئيس مجلس الإدارة برضه عمال يبص علي البدلة ..صاحبنا شك في نفسه و قاله بصوت مهزوز هو فيه حاجة حضرتك في البدلة؟ رد عليه وقاله جبت البدلة دي منين ؟؟ صاحبنا اتبرجل واتلخبط ووشه جاب الوان الدنيا .. ولسه هايرد، المدير قاله : بص انت هاتشتغل في الشركه مش عشان خبراتك اللي كنت بتسردها لإنها بصراحة مش كفاية.. انت هاتشتغل علشان إبني ادالك بدلته، وده معناه انك إنسان مهم عنده ...
بالظبط كده ..لو هانقف قدام الله في اليوم الاخير، وده أهم interview في حياتنا، ونسرد اللي عملناه من أعمال وحسنات، ده مش هو اللي هاينفع.. لازم نلبس بدلة ابنه.. دم المسيح..
هو ده الرداء الوحيد اللي هاينفع في المقابلة دي .. الكتاب المقدس بيقول "بالنعمة أنتم مخلصون ....ليس من أعمال كي لا يفتخر احد"
🙏 افسس ٢: ٨  🙏 copied

كانت لازم تتكسر

إمبارح وقعت منى إزازة برفان ع الأرض واتكسرت ميت حتة... زعلت عليها ساعتها ...لكن طول اليوم كنت كل ما بدخل الأوضة بالاقيها مليانة من ريحة البرفان الحلوة اللى ماكنتش بتملي المكان بالشكل ده لما كانت جوة الإزازة...

 عرفت ساعتها إنها كانت لازم تتكسر عشان تفوح بالريحة الحلوة دى وتملي المكان...

يمكن قلبك مكسور... أو جناحك مكسور... أو أى حاجة فى حياتك اتكسرت كنت مسنود عليها...

تأكد انها اتكسرت عشان تطلّع ريحة حلوة... تطلّع خبرة جديدة فى حياتك... تشجيع للى حواليك... نضوج أكتر فى شخصيتك .....

متي اخرج خرافه الخاصة يذهب امامها والخراف تتبعه ﻷنها تعرف صوته
 إذ اطمأنت الخراف إلي صوت راعيها الذي تميزة جيدا فإنها تسير وراءة في تسليم كامل وثقة مطلقة فهو الوحيد الذي يعلم أين هي المراعي الجيدة لرعيتة ورعيتة تنظر لقدمية وتتبع خطواته التي تقودها إلي مياة الراحة اﻷبدية متمثلة بقائدها في اتضاعة ووداعته وجهاده وآﻻمه مأسورة بحب رعايته لها أما الغريب فهو المعلم الخادع مثلة مثل السارق واللص فإن الرعية الواعية والمتعلمة داخل الكنيسة تميز التعليم الغريب عن روح كنيستها ومسيحها فتفر من هذا التعليم المضل
 فإن التواجد داخل المناخ الكنسي يوفر لنا جميعا الغذاء الروحي العديم الغش ويحمينا من المعلمين الغرباء الذين يدخلون البيوت باسم المسيح وهم سراق ولصوص ﻻ يبغون سوي تمزيق جسده أي كنيسته فﻻ تسمع لهم بل اهرب منهم

يسكن آمناً
ما أحلاه وعد.. من منا لا يحتاجه في كل مراحل عمره؟! من منا لا يخاف الشر؟ من منا لا يخاف الغد لما نجهله فيه؟ ولأننا لا نعلم بماذا يأتي إلينا، نخاف.. من منا لا يخاف شر الخطية المحيطة بنا، يخاف أن تمسكه وتصطاده في شباكها.. من منا لا يخاف شر الأشرار المحيطين.. نخاف من شر مؤامرتهم وتدبيراتهم ومكايدهم.. من منا لا يخاف متطلبات الغد ومسؤلياته ومفاجآته.. ولكننا أمام وعد يريحنا من كل هذه المخاوف.. وعد بالسكنى آمنين، سكنى أحضانه وبيته وكنيسته ودياره الأبدية.. وعد بالراحة من كل المخاوف.. وعد يعطينا حياة مملوءة بالسلام والهدوء والراحة.. وعد للمستمع إليه.. هلم نسمع وعوده.. معجزاته.. تدبيراته.. ارشاداته.. افتح كتابك المقدس وكما تقول الآية "كونوا عاملين بالكلمة لا سامعين فقط"، كن مستمعاً.. أي مواظب على الإستماع.. تتلقى كلماته بإنصات، وتثق فيما تسمع.. تطيع ما تسمع ومن تسمع منه.. حينئذ تنال الوعد؛ السكنى في أمان.. الراحة من خوف الشر..
السلام علامة القداسة.

❤القديس اغسطينوس❤

بأى سلطان؟
بأى سلطان تفعل هذا؟! سؤال يشغل القلوب القاسية! إذ كانت أعمال المسيح رب المجد هى بذاتها إجابة هذا السؤال.. فكان يجول يشفي المرضى ويخرج الشياطين ويبارك ويشبع الجموع.. وكان يتكلم كمن له سلطان.. فكل هذا كان شاهداً على سلطانه كرب السماء والأرض..
 ولكن عجباً! فكل ما شغل هؤلاء هو هذا السؤال العجيب!..
بأى سلطان تفعل هذا؟! وكان الأجدى بهم أن يدركوا الإجابة.. وهكذا كثير من الأسئلة التي نطرحها ونحن لدينا اجابات وافية لها!.. يا رب لماذا تتركني؟ بينما نعلم جميعاً أنه يرعانا ولا يتركنا.. يا رب ماذا أفعل لأرث الحياة الأبدية؟! بينما نحن نحفظ الوصايا وفقط علينا أن نطبقها!.. يا رب أما يهمك أننا نهلك؟! بينما نحن عالمون أنه في سفينتنا!
يا ليتنا نطرح الأسئلة على أنفسنا ونفتش على الإجابات الصادقة داخلنا.. فهو بسلطانه الغير محدود يفعل كل شىء من أجل خلاصنا..
+ تعوّد أن تطرح على نفسك الأسئلة بهدف التوبة، وتعوّد أن ترى وتسمع الإجابات من الله في كتابه وكنيسته.

† القديس أغسطينوس
أغلقوا الباب على أنفسهم بادعائهم الجهل لما يعرفون، لهذا لم يفتح لهم لأنهم لم يقرعوا، إذ قيل "إقرعوا يفتح لكم" (مت 7 : 7). أما هم فليس فقط لم يقرعوا، إنما أنكروا ما يعرفونه.

تدبيره محكم

ربنا علشان يخرج يوسف من السجن معزز مكرم؛
مبعتش بلطجية تكسر حيطان السجن مثلا ويخرجوا يوسف
مبعتش زلزال يهد حيطان السجن علشان يوسف يخرج
مبعتش طوفان يغرق كل الناس اللي سجنوا يوسف ولا حتي اللي حواليه وبعد كده راح مطلع يوسف
لكن ف ليلة من الليالي ربنا بعت حلم ...
حلم... .؟!؟!؟!
آه حلم...  حلم للملك علشان يكون ف الآخر هو السبب اللي يخرج يوسف من السجن ...

† مهما حصل متبصش للواقع مهما كان متعب ومؤلم؛ لكن دايما بص ع الأيد القوية ... .
✔اللي نزلت الاعزاء عن الكراسي ورفعت المتضعين
✔اللي رفعت البائس المسكين من المزبلة واجلسته مع رؤساء شعبه ... .
✔اللي جعلت العاقر ساكنة بيت ام اولاد فرحة ... .
✔اللي اشبعت الجموع ... .
✔اللي حولت الماء ل خمر ... .
✔اللي مشت بطرس ع الميه ... .
✔ اللي فتحت عيون الاعمي ... .
✔اللي اقامت لعازر ... .
✔اللي سدت افواه الاسود عن دانيال ... .
✔اللي استجابت صلاة  ايليا ... .
✔اللي فرحت قلب يعقوب وراحيل ... .
✔اللي فرحت قلب اليصابات وزكريا ... .
✔اللي فرحت إبراهيم وسارة ... .
✔اللي رجعت يونان من بطن الحوت للنور من تاني ... .
✔اللي ملآت كوار الدقيق؛ وكملت كوز الزيت ... .
✔الايد اللي عملت كتير وكتير واللي لسه بتعمل وها تعمل ... .

† لحظة واحدة اقف فيها مع نفسك وافتكر انه وعدك
طالب الربَّ بمواعيده وانتظر؛ ف سيستجيبَ لك بكل تأكيد ... .

جبر الخواطر
كنت باشترى عيش من مخبز وحلوانى فى مدينتى  ...  طلبت العيش قالولى قدامه عشر دقائق ويطلع من الفرن  ...
 قررت استنى وبدأت اتفرج على الحلويات اللى بيبيعها المحل ، كانت حاجات حلوه قوى وملفته للنظر فعلا  ...

دخل المحل شاب صغير حوالى ١٨ سنه كده  ...  للوهله الاولى شكله يدى انطباع انه شاب مش كويس يعنى  داخل بسجاره ولابس سلسله وحظاظه وكده  ...
صاحب المحل طلب من الشاب يطفى السجاره فالولد اعتذر بأدب شديد وخرج رمى السجاره بره المحل ودخل اعتذر تانى ووشه احمر من الكسوف  ...
طلب الشاب نص دستة جاتوه وبدأ يختار القطع اللى عاوزها  ...  كان بيختار بدقه شديده وحب وشغف ...  كان واضح انه بيختار القطع اللى بيحبها ومنتظر انه يستمتع ويتلذذ بيها  ...

دخل راجل شكله وملابسه توحى بالتواضع ...  غالبا بيشتغل حارس فى احد العمارات القريبه  ...  كان معاه ابنه طفل صغير  حوالى ٦ سنين  ...  الراجل طلب ب ٢ جنيه عيش ووقف ينتظر زيى  ...
بدأ الطفل يحرك عينه فى المحل بانبهار وشوق وبعدين شد ابوه من هدومه وقاله حاجه فى ودنه وهو بيشاور على الجاتوه  ...
الاب طبطب عليه وراح سأل صاحب المحل عن السعر وبعدين رجع تانى طبطب على ابنه وقاله بكره اجيبلك علشان مش معانا غير فلوس العيش علشانك انت واخوك وانتم رايحين المدرسه  ...

انا والشاب الصغير (ابو سلسله ) اخدنا بالنا من الموقف ده وبينما انا متأثر وصعبان عليا الولد وصل العيش الفينو  ...
اخد الرجل وابنه العيش الاول وخرجوا  ...
وهما لسه عند الباب لاقيت الشاب (ابو سلسله ! ) جرى وراهم وادى علبة الجاتوه كلها للطفل وأصر على ابوه انه ياخدها  ...

مفيش كلام ممكن يوصف نظرة السعاده فى عينين الطفل ولا نظرة الإمتنان والشكر فى عيون الاب  ...

مش دى الحاجه الوحيده المثيره للاعجاب ؛ ده كمان صاحب المحل قال للشاب اجيبلك جاتوه غير اللى اديته للولد ؟  ...  كان رد الشاب ( ابو سلسله !) انه ما كانش معاه غير الفلوس اللى دفعها بس هو ممكن يجيب فى اى وقت تانى  ...