ربنا دايما بيختار الصالح للكل

كان فيه اب عنده طفلين
كل يوم يدي اﻷول جنيه يجيب اللي هو عايزة وميديش التاني حاجه
مرت سنه ومرت التانيه والراجل بيعامل الطفلين كده لحد ماكبروا وبقوا رجاله
واحد منهم قال ﻷبوه : يابابا انت ظلمتني واهتميت بأخويا اكتر مني
وطول عمره مرفه واللي عايزة بيطوله .. لكن انا ﻻ
ابوه قاله انا عمري ماظلمكم وكنت بحوشلك معايا كل جنيه اتصرف علي اخوك
واداله مرة واحده مبلغ ضخم جدا وقاله ده نصيبك ياحبيبي
لو حاسس ان كل الناس بتمر بلحظات سعيده وانت ﻻ
ده مش معناه ان ابوك ظلمك
ابوك كان مستني اليوم المناسب ويعوضك عن كل لحظة بكيت فيها
ومتقولش انه ظلم اخوك الكبير انه ادالك مبلغ كبير وهو ﻻ
ﻷنه هو وحده عارف ان لو اخوك كان خد مبلغ زيك كان هيصرفهم علي هﻼكه

† ربنا دايما بيختار الصالح للكل وكل دمعه نزلت من عينك ليها عنده تمن
+ انتظر الرب ... وانتظر المفاجأة الكبيرة اللي كان بيحوشهالك ...
ربنا عادل جدا

تصدق إن في يوم من الأيام مصر كانت هاتغرق بسبب البابا....؟؟؟؟
صدقني ذي ما بقولك كدة....
هاحكيلك....
اللي صورته موجودة فوق هنا هو قداسة المتنيح #البابابطرسالسابع الشهير بالجاولي ( 109 ) وكان معاصر أيام حكم محمد علي باشا.... و أيام محمد علي مصر أتعرضت لحادثة مرعبة.... وهي إن منسوب النيل أنخفض تماماً لدرجة إن العطش ضرب البلد كلها و بدأت المواشي تموت والزرع يموت والمحاصيل تقل و الغلاء تفشى والدنيا باظت خالص....
محمد على لما شاف اللي بيحصل دة طلب من الشعب المصري كله أنه يطلع على شاطئ نهر النيل و يصلي.... وطلب من بابا الأقباط ( #البابابطرسالجاولي ) أنه برضو يطلع على الشاطئ و يصلي....
البابا بطرس أستنى يصلي أخر واحد.... و بدأ قداسة البابا بطرس بصلاة القداس على لوح مقدس وكان معاه جمع غفير من الأقباط على شاطئ النيل..... و طلع معاه إبراهيم باشا قائد الجيوش إبن محمد على ( اللي صورته موجودة فوق) وكان إبراهيم باشا واقف يتفرج على الأقباط وهما بيصلوا و مش فاهم هما بيعملوا أيه....؟؟؟؟؟
البابا بطرس ناول الأقباط من سر #الأفخارستيا ( التناول ) و أخد الأواني المقدسة يغسلها في مياة نهر النيل.... وبمجرد ما الأواني نزلت في نهر النيل بدأ النيل يفور و يغلي و المياة ترتفع بشكل خلى الموجودين يترعبوا.... ومن قوة المياة اللي تدفقت في النيل بدأت المياة تخرج من مجرى النهر و تتدلدق على شاطئ النيل.....
إبراهيم باشا لما شاف المنظر دة صرخ من الخوف وقال.... أمان بابا أمان.... أمان بابا أمان.... وبدأ يقول فيما معناه البلد هاتغرق يا قداسة البابا.... كفاية أرجوك يا قداسة البابا.... راح البابا طلع الأواني من النيل و حدف قربانة حمل في المياة.... وبمجرد ما حدف القربانة النيل وقف وهدي.... وكانت للحادثة دي أثر كبير على نفسية محمد علي لما إبراهيم باشا وكل الناس شافوا اللي حصل دة وحكوله عنه .....
اللي عاوز أقولهولك من القصة دي إن مهما كانت عندك مشكلة صعبة في حياتك ومتخيل إن مالهاش أي حل.... فأحب أطمنك إن ليك إله قوي يقدر يخلصك من أي شر أو أي مشكلة بتمر بيها.... ألهك القوي دة أسمه ربنا يسوع المسيح.... ماتبنيش أمالك وأحلامك على البشر في حلول مشاكلك.... صدقني مش هايكونوا أمناء معاك..... الوحيد اللي هايكون أمين حقيقي معاك هو الرب يسوع..... روح القداس و كلم المسيح عالمذبح.... وأتحد بيه و أطلب منه بإيمان كل اللي انت عاوزه.... هاتلاقي عجايب بتحصل معاك..... جرب كلامي و أدعيلي....

مش عيب تحطوا الضيوف تحت السرير :-
 
أعطت عائلة مسيحية بالأسكندرية لأحد الأشخاص صورة كبيرة لقداسة البابا كيرلس السادس لكى يعمل لها بروازاً مناسباً لكى تُعلقها فى المنزل . وبالفعل صنع لها البرواز وأحضره لهم ، ولكنه فوجئ بعدم وجود أحد فى المنزل ، فأضطر أن يتركه لهم عند الجيران فى الشقة المجاورة ، وقال للسيدة التى فتحت له : "من فضلك لما الست (فلانة) تيجى أبقى إعطى لها هذا البرواز" وكانت هذه الجارة غير مسيحية ولكنها خجلت من الضيف وأخذت منه البرواز . وبعد أن أغلقت الباب ، فكرت فيما سيصنع زوجها المتعصب إذا رأى البرواز وبدأت تخاف .. وأخيراً .. هداها تفكيرها إلى وضع البرواز تحت السرير حتى الصباح ، ثم تعطيه لجارتها بعد نزول زوجها للعمل . وكان لهذه الأسرة الغير مسيحية ابناً مشلولاً ينام على السرير الموضوع تحته برواز قداسة البابا كيرلس وفى الفجر فوجئ الأب والأم بابنهما فى الحجرة يمشى على قدميه طبيعياً بلا أى مرض .. فأنذهلا .. ولما سألاه : "إيه اللى حصل ؟؟ " أجاب : "فيه قسيس طويل وعريض كده جه وشفانى وقال لى : خلاص أنت خفيت .. قوم روح لأبوك وأبقى قوله : " مش عيب تحطوا الضيوف تحت السرير .. !! " إنذهل الأب من هذا الكلام ، وعندئذ بدأت الزوجة تخبره بالقصة كلها وما فعلته لتتجنب غضبه . فذهبا وأخرجا صورة البابا كيرلس من تحت السرير وصمم هذا الرجل على الاحتفاظ بالبرواز ليعلقه فى شقته ، وأخبر جيرانه المسيحيين بهذه المعجزة ، وعرض أن يدفع لهم ثمن البرواز ، وأعتذر لهم أنه لن يفرط فيه أبداً .. ومنذ ذلك الوقت صارت علاقته بالمسيحيين طيبة جداً جداً ..
حقاً المحبة تسطيع أن تغير أقسى القلوب .. بركة صلوات البابا كيرلس تكون معنا .آمين.+.+.+⁠⁠⁠⁠

"الطويل الأناة يصبر إلى حين، ثم يعاوده السرور" (يشوع بن سيراخ 1: 29)

أندرو شاب عنده 26 سنه، هو  الإبن الوحيد  ، والدته متوفيه ووالده مريض بشلل بسبب حادثة عربيه ، وفاة والدته تسبب فى رسوبه فى سنه تالته ومرض والده تسبب فى رسوبه فى سنه رابعه ... إتخرج سنة 2016 .
أندرو تقريبا مافرحش دقيقه على بعضها ، كل حياته  هموم ،من أول ما أتولد مريض بالسكر ، لغاية ما يوم العمليه فى المستشفى ..
بعد ما أتخرج من الكليه وخد شهادة المعافاه من الجيش عشان وحيد ، لف على كعوب رجليه عشان يشتغل بشهادته مافيش خالص شغل ...
كل ما يروح لمحامى يقوله مرتبك 500 جنيه لغاية ما تدرب ، واصلا ال 500 جنيه دول مايكفهوش مواصلات الشهر كله ..
يوم 21/2/2017 اتصل به صاحبه الساعه تسعه الصبح ، وقاله على وظيفة مندوب مبيعات بمرتب 2500 ، وأكد عليه لازم تتصل بيا اول ماتوصل هناك عشان من غيرى مش هاتعرف تدخل ، وبسرعه لحسن الوظيفه تتاخد ، فرح أندرو وقال اخيراً الحظ هايضحكلى ، مع ان المرتب ده مايأكلش عيش حاف ، بس بالنسبه لواحد فى حالة أندرو وبؤسه كان  حاجه كبيره جدا جدا فى عينيه ..
نزل من بيتهم وركب المترو عشان يلحق الأنترفيو ...
وصل الشركه وبيطلع الموبايل عشان يتصل بصاحبه لكن للأسف تليفونه إتسرق .
لف يمين وشمال التليفون مالهوش أى أثر ، ومش فاكر رقم تليفون صاحبه ، دخل للأمن قالهم انا تبع عماد أيمن ( أسم صاحبه )  لكن مافيش فايده مارضيوش يدخلوه ..
عدا من الوقت حوالى نص ساعه وماعرفش يتصرف ، لغاية ما جاتله فكره بإنه يدخل إنترنت كافيه يفتح الفيس ويكلم صحبه ، بعت مسج لصاحبه  بكل الحكايه وإنه واقف على باب الشركه مستنيه  ... وسلم أمره لربنا وقعد على رصيف الشركه مستنى صاحبه .
عدا حوالى ساعه ونص وصاحبه جه ...
جريوا على الشركه يلحقوا معاد المقابله اللى انتهى من 45 دقيقه ، والنتيجه ... للأسف الوظيفه إتاخدت .
حزن أندروا حزن شديد جدا جدا ، خصوصاً بإنه محتاج الوظيفه دى جدا ، معاش والده مش كافى لربع تكاليف العلاج .
هايجيب منين ، تعب جداا ، طيب هاياكل منين ويراعى والده إزاى ؟
مشى فى الشارع بيكلم نفسه بصوت عالى بعد ما جاب آخره ..
ليه يارب ؟ هو انا مش من حقى أفرح ؟
دا انا ماشوفتش يوم حلو فى حياتى ، أمى وخدتها ، والدى ومشلول ، حتى انا مرضتنى السكر من صغرى ...
كليه وسقطت فيها سنتين ، والشغل مش لاقيه وهانموت من الجوع ... سكت ودموعه زى الأطفال على وشه ، وكمل كلامه بصوت عالى..
 ياااااارب خدنى وريحنى ، خدنى وريحنى . فضل يصرخ لغاية ما أغمى عليه .
فتح عينيه لقى نفسه فى عربية الإسعاف وكمامة الأكسجين فى فمه ،ومحاليل متعلقه فى دراعه ، وممرض جنبه باصص لعداد نبضات القلب ..
وصل المستشفى ، دخل غرفة العمليات ، دكتور البينج بيسأله إسمك إيه ، لاقاه فاقد الوعى تماماً ...
قال دا مش محتاج بنج أساساً ،وأعطاله جرعه خفيفه من البنج ، وتمت عملية إستئصال الزايده ...
عدا يومين  ، أندروا صحته إتحسنت شويه ، جاله الدكتور المتابع لحالته بيطّمن عليه ، أندرو بيقوله ..
- هو أنا هاخرج أمتى ؟
- كمان يومين كدا ، صحتك تتحسن شويه ونكتبلك على خروج ..
- لا انا لازم اخرج انهرده ، ابويا راجل مريض وماينفعش اسيبه ..
- هو ممعهوش حد ؟
- والدتى متوفيه ، لكن فى واحده جارتنا كتر خيرها ، بترعانا ..
- خلاص لو حابب تخرج ، هانستى لغاية بكره ،الحاله تستقر ، ولو عدى انهرده وحالتك كويسه هاكتبلك على خروج بكره ، بس بعد إذنك محتاج منك تمضى على الشيك ده .
- شيك ! انا ماعنديش حساب فى البنك أساسا .
- مش مشكله ممكن تدفع كاش .
- يا دكتور انا ماحتكمش غير على خمسين جنيه كانت فى جيبى ، ودلوقتى الله واعلم راحت فين ..
- امممممم ، طيب انا هابعتلك نائب المدير يتكلم معاك ، وهو يتصرف ..
قعد أندرو وهو مكتئب جداً وكإن صراخه لربنا عاد عليه بعقاب زايد ، راحت عينيه لشباك مفتوح ومكتوب عليه كلمة ، يااارب .
نزلت دموعه وقال ...
يارب ..
لو كانت حياتى غلطه ، خلقتنى ليه ؟
خلقتنى عشان تعذبنى ؟
طيب انا عملت ايه غلط عشان اتعاقب عشانه ؟
انا من صغرى وانا طعم المرار مش مفارقنى ، يرضيك كدا ، اتحط فى ضيقه زى كدا وانت عارف كويس انى مش معايا فلوس ، تقوم تبعتلى مشكله أكبر ، اجيب فلوس المستشفى منين ؟
وسط كلامه مع نفسه ودموعه غرقت المخده  ، دخل عليه نائب مدير المستشفى .. راجل طويل وبشرته سمرا وشعره أبيض ، حواجبه غزيره ، وشه مقفول بعلامة غضب ، وقال بنبره عاليه ... 
- ايه ياعم اندرو الكلام اللى انا سمعته ده ، انت مش عارف ان دى مستشفى خاصه ...
- يا دكتور اصل ....
وحكى اندرو حكايته للدكتور من اولها لأخرها ..
كمّل الدكتور وقال ..
- وبعدين مين هايدفعلك المصاريف دلوقتى ؟
- يا دكتور انا ممكن امضيلكم على الشيك وخلال شهرين ، هاشتغل اى شغلانه ،انشالله زبال حتى وهاجيبلكم المصاريف فى الميعاد ، ولو ماجبتهاش قدم الشيك للنيابه وأحبسنى ،  اعتبرنى ابنك واستلفت منك المبلغ ده وهارجعهولك خلال شهرين ...
الدكتور ، طلّع التليفون ، بيتصل ..
 ساعتها أندرو روحه كانت هاتطلع لما شاف علامات الغضب على وش الدكتور وقال فى نفسه ،  خلاص هاتحبس ..
خرج الدكتور بره يتكلم فى التليفون ..
عدت دقايق ورجع بنفس علامات الغضب ، وقال لإندرو ..
- بتفهم فى القانون .
- يا دكتور انا تقديرى كل سنه بيكون جيدا جدا ، وسقطت مرتين بسبب ظروفى اللى حكتهالك ، بس بتسأل ليه ..؟
- هاتشتغل معانا فى الشئون القانونيه بمرتب شهرى 4000 جنيه ، وأول ما تسدد اللى عليك لو شغلك كويس هانعملك عقد معانا ..
علامات فرحه على وش أندرو صابته بالخرس المؤقت ...
مشى الدكتور خطوتين للباب ، ورجع بيقول ..
- على فكره انت ربنا بيحبك لإن الوظيفه ده فضيت إنهرده .

حتة_قبطي
زمان و أنا صغير كنت بسمع كتير ناس بتقول "شالله يا عدرا" ..."شالله يا مارمينا" ..."شالله يابوسيفين" ... وهكذا
وكنت معرفش ايه الكلمة دي ..كانت بتدور في ذهني فعلا واقعد أفكر فيها .. وأقعد أقول (يمكن معناها ان شاء الله يا عدرا ؟؟! ) مش عـــارف
المهم سألت فيها ناس كتير وسمعت رأي كنت شفته اكثر انتشارا و منطقية واللي بيقول ان معناها (شئ لله يا عدرا ) بس مضغومة
واقتنعت لفترة  لحد ما بدأت ادرس لغتنا القبطية المجيدة واتعمق شوية ..
وعرفت ان في أداة قسم اسمها (شيه ) زي اللي موجودة دي في الصورة
ولها دلالات كثيرة زي  ( وحياة ... وشرف .. وغلاوة ...  وما في معانيها كدة )
وبكدة تكون معناها ( وغلاوة ربنا عندك يا عدرا )
ودي كانت كلمة قبطية قديمة ودخلت الي لغتنا العامية زي ما آلاف الكلمات اللي بنستخدمها في حياتنا اليومية ( واللي عرضناجزء بسيط منها عالصفحة هنا )
فاحنا بنتكلم كلمات كتير في لغتنا العامية واحنا مش دريانين ان ليه اصل قبطي
لو حابب تسمع قصص اكتر عن تاريخ اللغة القبطية ..
كل سنة وحضراتكم طيبين  وبركة العدرا تشملنا جميعا 💙

ان تعطي وانت في قمة الاحتياج.....فهذا هو العطاء والفضل

سألوا بيل غيتس : هل يوجد من هو اغنى منك؟
قال: نعم شخص واحد فقط
سالوه : من هو؟
قال: منذ سنوات مضت عندما تخرجت وكانت لدي افكار طرح مشروع المايكروسوفت، كنت في مطار نيويورك، قبل الرحلة وقع نظري على المجلات والجرائد. عجبني عنوان احدى الجرائد ادخلت يدي في جيبي كي اشتري الجريدة، الا انه لم يكن لدي من فئة العملات النقدية الصغيرة  فاردت ان انصرف، وجدت بائع الجرائد صبي اسود عندما شاهد اهتمامي ورغبتي لأقتناء الجريدة قال: تفضل هذه الجريدة لك انا اعطيتك خذها يا اخي.
قلت: ليس لدي قيمتها من الفئات الصغيرة
قال: خذها فانا اهديها لك.
بعد ثلاثة اشهر صادف ان رحلتي كانت  في نفس المطار ونفس الصالة، ووقعت عيناي على مجلة، ادخلت يدي في جيبي لم اجد ايضا نقود فئة العملات الصغيرة ، نفس الصبي قال لي : خذ هذه المجلة لك.
قلت: يا اخي قبل فترة كنت هنا اهديتني جريده، هل تتعامل هكذا مع كل شخص يصادفك في هذا الموقف؟
قال: لا ولكن عندما ارغب ان اعطي، فانا اعطي من مالي الخاص.
هذه الجملة ونظرات هذا الصبي بقيت في ذهني وكنت افكر يا ترى على أي اساس واي احساس يقول هذا.
بعد 19 سنة عندما وصلت الى اوج قدرتي قررت ان اجد في البحث عن هذا الشخص كي ارد له الجميل واعوضه. شكلت فِريق وقلت لهم اذهبوا الى المطار الفلاني وأبحثوا لي عن الصبي الأسود الذي كان يبيع الجرائد. بعد شهر ونصف من البحث والتحقيق وجدوا انه شخص اسود وحاليا هو حارس صالة المسرح. الخلاصه تمت دعوته، سالته هل تعرفني؟
قال : نعم السيد بيل جيتس المعروف كل العالم يعرفك.
قلت له قبل سنوات عندما كنت صبيا صغيرا وتبيع الجرائد اهديتني مرتان جريده مجانية حيث لم يتوفر لدي نقود من الفئات الصغيرة، لماذا فعلت ذلك؟
قال : هذا شئ طبيعي لان هذا هو احساسي وحالتي.
قلت: هل تعلم ما اريده منك الان، اريد ان ارد لك جميلك .
قال: كيف
قلت: ساعطيك أي شئ تريده.
قال الشاب الاسود وهو يضحك: أي شئ اريد؟
قلت: أي شئ تطلبه
قال: هل حقيقي أي شئ اطلبه؟
قلت: نعم أي شئ تطلبه اعطيك، لقد اعطيت قرض لخمسين دولة افريقية، ساعطيك بمقدر ما  اعطيتهم كلهم.
قال الشاب: يا سيد بيل غيتس لا يمكنك ان تعوضني.
قلت: ماذا تقصد كيف لا يمكنني تعويضك؟
قال: لديك القدرة لتفعل ذلك ولكن لا تستطيع ان تعوضني
سألته: لماذا لا استطيع تعويضك؟
قال :  الفرق بيني وبينك انني اعطيتك في اوج فقري و انت تريد ان تعوضني وانت في اوج غنائك،  وهذا لن يستطيع ان يعوضني شيئا. انما لطفك يغمرني.
يقول بيل غيتس دائما اشعر انه لا يوجد من هو اغنى مني سوى هذا الشاب الاسود.

تأمل لخلوه اليوم ♣

👑ربى👑 يسوع👑

🙏🏻 أشكرك🙏🏻 لأنك أعطيتنى هذه الأسلحة الروحية حتى أتسلح بها ضد مكايد إبليس👺👹 وضد كل أجناد الشر👹👺 الروحية

👑ربى👑 يسوع👑
 المسيح👑

🙏🏻 أعلم أنى بدونك لا أستطيع أن أفعل شيئاً، ولكن أحياناً أنسى وأتكل على ذراعى💪🏻 البشرية الضعيفة فأجد نفسى عاجزاً عن مواجهة هذه
 الحروب الروحية❗❗

🙏🏻 أعطنى يارب👑 أن أستفيد بهذه الأسلحة الروحية القوية، ألا وهى:
 الصلاة 🙏🏻
 الإيمان🙇🏻‍♀
الصوم 😇
 الكتاب المقدس📖
أسرار الكنيسة⛪💒 اللازمة للخلاص

 وجميع الوسائط الروحية

🤚🏻 فلا أخاف من ربوات الجموع المحيطين بى، القائمين على

👆🏻👉🏻قد أنظر👁👁 إلى الحروب👹👺 والمشاكل😩😥😭، فأذوب خوفاً😖

👆🏻👉🏻ولكن عندما أنظر👁👁 إلى يديك ✋🏼الممدودتان وأنت بصليبك💠 تتحدى أى صعب، أجد قلبي❤ يهتف وينادي "قويني"🤜🏻

قويني 🤜🏻لأن لك القوة💠 والمجد💠

قويني 🤜🏻لأن ليس لي انسان اتكل عليه

 قويني 🤜🏻لأنك تعرف ما بداخلي

 قويني🤜🏻 لأن قوتك في ضعفي تكمل

👆🏻 وحينئذ اتهلل مع القديس بولس الرسول حيث أني قد صرت
 "أستطيع كل شىء في
 المسيح👑 الذي يقويني🤜🏻".

    🔷🔸تدريب 🔸🔷

 🔷💠 صلى 🙏🏻باستمرار واطلب المعونة من رب 👑القوات أن يمنحك الغلبة والنصرة فى الحروب الروحية

🔷💠 اطلب إرشاد أب إعترافك💂 فى حياة الجهاد الروحى.