أبونا أغناطيوس أنبا بيشوي: سألوني :

ماذا تعلمت من العمر الذى مضى ... ؟!

أجيب :

† لقد دخلت العالم بلا شئ وواضح اننى ساخرج منه بلا شئ ... لا القنية تشفع ولا الذرية تنفع ...

الله وكفى +

+ جاهل من لم يعمر حياته ومصباحه بزيت اعمال المحبة باتضاع.(فم لذهب)

+ كل مرض أو ألم يصفى ويزكى صاحبه ... الله سيكلله ... هذا وعده حتى لو كان حمل كوب ماء بارد.

+ تعلمت أن الدنيا سلف ودين

+ تعلمت ان المظلوم لابد له من انتصار ولو بعد حين

+ تعلمت أن الحياة يمكن أن تنتهي فى أى لحظة وقد نكون غير مستعدين ومشغولين .

+ تعلمت أن الكلمة الحلوة والوجه البشوش والكرم رأس مال الأخلاق وخدمة النفوس.

+ تعلمت أن أغنى إنسان في العالم هو الذي يعيش مع المسيح ... يملك الأمان وكلمة الحياة بطاعة روح الحياة. ووسائط نعمته .والاستعداد للفرح بسماه.

+ تعلمت ان السعادة هى ان انام مرتاح البال مسلما الحياه لمن وهبنى اياها.

+ تعلمت اننى انا الوحيد فى العالم الذى ينادى الله ... ياابانا ... .وهو القدير يجيبنى ولا يعسر عليه امر.

+ تعلمت من خادمة الهند العظيمة الأم تريزا اننى عندما اصلى واخدم الآخرين.فان الاستجابه والفرح يغمراننى انا.

+ تعلمت أن من يزرع الثوم لا يجني الريحان

+ تعلمت أن العمر ينتهي والمشاغل لا تنتهي

+ تعلمت أن من يريد من الناس أن يسمعوا ... له عليه ... أن يسمع هو لهم .

+ تعلمت أن أردت أن تطاع أؤمر بما يستطاع

+ تعلمت أن التعامل مع الناس هو أدق مجهر يكشف لك معادن الناس .

+ تعلمت أن الذي يتفلسف كثيرا (يقول أنا) وأنا تعنى أنه فارغ من الداخل .

+ تعلمت أن الذي معدنه ذهب يبقى ذهبا ، والذي معدنه حديد يتغير ويصدأ .

+ تعلمت ان القبور تحوى بداخلها الذهب والتراب .

+ تعلمت أن التلميذ يصير قديسا.أما المعلم فينتفخ.

+ تعلمت أن أسامح الغير وأتفهم ظروفهم ... وأن أراجع نفسى بإستمرار ... وألا يشغلنى رأى البشر فيا ... حتى يأتى الرب الذى سينير الخفايا ويظهر آراء القلوب.

ومازلت اتعلم طالما هناك ومضة وعى مباركة.

يارب :

"""""''    

نجنا من كل حزن رديء ووجع قلب واحطنا بملائكتك القديسين ... .لنصل الي اتحاد الايمان والي معرفة مجدك غير المحدود فانك مبارك الي الابد امين.

أبونا أغناطيوس أنبا بيشوي: قصيدة لأحمد فؤاد نجم

ينصر دينك يا بطل

قتلت ناس عُزًّل كتير

ستات، شيوخ وكمان عيال

ازحت عنا خطر كبير

دي ناس بتقول الله محبه

والمحبه دي شئ خطير

إقتل بطرس وإقتل مينا

اللي إخواتهم ماتوا في سينا

واللي ولادهم رقصوا فـي فرحك

واللي فـ ميّتم بيعزّينا

إقتل ماري وطنط تريزا

دول ناس مافيهومشي ولا ميزه

دايمًا كده يبتسموا في وشك

ويقولوا اهلاً خطوه عزيزه

وإقتل برضه عمّك حنا

في اي خناقه بيحوش عنّا

غاوي يصّلح بين الناس

ولا يمكن يوّرد على جنّه

وإقتل سامي ناجي نجيب

اصل الإسم صراحه مريب

يمكن يطلع واحد منهم

او داقق على إيده صليب

ولا اقولّك ... .إضرب شبرا

والكيت كات وميدان الاوبرا

فجّر واحده في كل مكان

خلّي جيرانهم يصبحوا عبرا

لينا رب إسمه الكريم

ها يجي يوم تعرض عليه

تقف امامه ويسأل الشخص ده عملك إيه؟

بأي ذنب تقتله

وفين ومين وإزاي وليه؟

إبقى قول لي يا بطل

ها ترد يومها ...

وتقول إيه؟.

احمد فؤاد نجم

أبونا أغناطيوس أنبا بيشوي: حادث طنطا والأسكندرية كان فيه 4 مشاهد ...

المشهد الأول (ناس ماتت)

" نِعِمَّا أَيُّهَا الْعَبْدُ الصَّالِحُ الأَمِينُ! كُنْتَ أَمِينًا فِي الْقَلِيلِ فَأُقِيمُكَ عَلَى الْكَثِيرِ. اُدْخُلْ إِلَى فَرَحِ سَيِّدِكَ " ... مت 25

المشهد التاني (ناس إتصابوا)

" بِضِيقَاتٍ كَثِيرَةٍ يَنْبَغِي أَنْ نَدْخُلَ مَلَكُوتَ اللهِ " ... اع 14

المشهد التالت (ناس طلعت سليمة تماما كانت موجودة شافت وسمعت بس محصلهاش حاجة )

" يَا سَيِّدُ، اتْرُكْهَا هذِهِ السَّنَةَ أَيْضًا " ... لو 13

المشهد الرابع ( إحنا اللي بنسمع ونشوف من بعيد )

" ثُمَّ الْتَفَتُّ أَنَا إِلَى كُلِّ أَعْمَالِي الَّتِي عَمِلَتْهَا يَدَايَ، وَإِلَى التَّعَبِ الَّذِي تَعِبْتُهُ فِي عَمَلِهِ، فَإِذَا الْكُلُّ بَاطِلٌ وَقَبْضُ الرِّيحِ، وَلاَ مَنْفَعَةَ تَحْتَ الشمس" ... جامعة 2

أبونا أغناطيوس أنبا بيشوي: الكنيسه مش محتاجه بس وعاظ منابر وناس بتعرف تتكلم حلو ... ولا خدام قافلين علي نفسهم وشايفين ان الخدمه قصه و ترنيمه واجتماع كل اسبوع

ولا كهنه مبيخرجوش من اوضة الاعترافات ...

ولا انشطه ورحلات و مباني وتعمير ف الحجاره وبس

الكنيسه مش محتاجه اللي يتكلم عن لبس البنات ف الافراح ... وشكل الفستان ومقاس البنطلون ...

الكنيسه محتاجه اللي ينزل من ع المنبر و يدخل سفن الصيادين الغلابه اللي الدنيا واخداهم

الكنيسه محتاجه اللي يدخل بيت العشار المكروه من الناس ويقسم اللقمه معاه ...

محتاجه اللي يسيب ال 99 خروف ويجري وسط الجبال ورا الخروف الوحداني اللي ضل ...

محتاجه اللي يكنس البيت شبر شبر لحد ما يلاقي الدرهم اللي ضاع ...

محتاجه الي يفتح حضنه للابن الضال اللي جاي من بعيد مكسوف ... وميقفلش الباب ف وشه

محتاجه اللي يقعد يفضفض مع السامريه ويبصلها من جواها ...

محتاجه اللي يسند ضعف بطرس حتي لو انكر ايمانه ... ويشجعه لحد ما يخليه صياد للناس

محتاجه اللي يقرب يوحنا من صدره ويديله مشاعر حب واهتمام

محتاجه اللي ييجي مخصوص ل توما اللي قلبه شك ... و يعمل منه رسول عظيم

محتاجه اللي يعاتب شاول بمحبه ... ويصبر عليه لحد ما يبقي بولس

محتاجه اللي يبكي علي لعازر لأنه أنتن ... ويمد ايده يطلعه من قبر الخطيه

محتاجه اللي يوطي ويغسل أرجل المخدومين بكل تواضع و محبه ...

محتاجه اللي يستر ع الزانيه ويطبطب عليها ويكسبها بنظرة حب و عتاب

محتاجه اللي يقعد وسط الاطفال ويلعب معاهم و يلمس تفاصيل روحهم ...

محتاجه اللي يقف ف ضهر المريمات و يكون راجلهم و معين ليهم ومعلم ...

محتاجه اللي يفضي نفسه ويروح ل بيت مريم ومرثا ... وكأنه صديقهم الشخصي

محتاجه اللي يمسك سوط ويطرد كل اللي بيدنسوا الهيكل ...

محتاجه اللي يطهر ويبرر ويحرر ... ويجول يصنع خير

محتاجه اللي يقف قدام هيرودس ويعلن ايمانه بكل شجاعه ...

محتاجه اللي يبعت تلاميذه لكل مكان ... ويقبل الفلسين ب رضا ... وقصبه مرضوضه لا يقصف وفتيله مدخنه لا يطفئ

محتاجه الراعي اللي يبذل نفسه عن الخراف ... ويسلم نفسه للموت من أجل أحبائه محتاجه اللي يعيش وسط الناس ... لامس همومهم وحاسسها

الكنيسه محتاجه اللي يحس ... و يسند ... ويشفي ... و يهتم ... و يقوي ... و يطبطب ... و يرشد ... ويعلم ... ويحب للمنتهي الكنيسه

محتاجه خدام ورعاه زي الراعي الأعظم زي يسوع !

أبونا أغناطيوس أنبا بيشوي: جلس الفيس بوك مع الرب 

الفيس : ﻟﻢ أﻛﻦ اعلم ان الناس يحتاجون للعلاقات بهذا الشكل ولم اكن اعلم انهم يحتاجون ان يعبرو عن نفسهم بهذه الطريقه . سرعان ما اصبحت معروف عندهم وسرعان ما اصبحو خبراء ... .فى

الرب : انا اعرف كم هم جياع وكم هم محتاجين الى الحب والاهتمام .يحتاجون ان يسمعهم احد ويحتاجون ان يتكلموا لاحد

الفيس : هم يتكلمون عنك كثيرا ويرفعون لك صور كثيره ويكتبوا الكثير من اقوالك واقوال اتباعك القديسين ولكنى اراهم مازالو جياع ومتعبين وحزانى

الرب : انهم يتكلمون عنى وليس معى انا اعرف متاعبهم واعرف الامهم وانا استطيع ان اريحهم ولكنهم لا يتكلمون معى بل يتكلمون عنى

الفيس : هم يقولون انهم يتعزون عندما يرونك في خيالهم ويفرحون بكلامك المكتوب على

صفحتي . الرب : انا اريد ان اكون فيهم انا لست صوره يرفعوها انا حياه انا اريدهم لى معى فانا راحتهم .هم يجلسون امامك ولا يجلسون معى ،هم عندك وانا اريد ان اكون عندهم فى قلوبهم هم يضعون كلمات على صفحاتك هذا جميل لكن اين هى فى حياتهم

الفيس : انت غيران منى وزعلان انهم عندى انا اصبحت شئ مهم عندهم انا فى بيتهم ومكتبهم واصبحت فى ايديهم على الموبيل وتاب هم لا يتركونى من حين الى اخر يفتحنى ﻟﻴﺮﻭﺍ ﺭﺳﺎﺋﻠﻰ ﻭﺗﻌﻠﻴﻘﺎﺗﻰ

الرب : وانا اصبحت مهمل منهم موجود ولكن لا احد يتكلم معى وكلمتى موجودها ولا احد يفتحها جعلوها على الموبيل بجوارك ولكن لا تفتح هم محتاجين لى انا عندى لهم سلام وراحه وفرح حقيقى

الفيس : هم يتحدثون مع بعض ومرات كتيره تبدأ الحوارات بيك . انت من مذهب ايه ؟ انتى بتصلى فين ؟ الرب : تحلو !! . الرب صالح !! ولكن سرعان ما تختفى من الحديث ويصبح الحديث غير طاهر ... ... .

الرب : هو ده خداع العدو انهم يحسوا ان فيه حد غيري يفرح او يشبع ولكن

الفيس : اقول انا ينتهى الحديث بكلام فى المشاعر والاحتياجات والحرمان وعلاقات وحب و ... . ويستمر قليلا وينتهى بحزن ودموع وخداع وبلوك

الرب :اه انا حزين لانى اصبحت صوره وتعليق وكلمتين على صفحاتك من غير علاقة حقيقيه معى من غير توبه حقيقيه . بقى كلامى على صفحتك بدون قوة ولا وقار لانهم ليسو على علاقه شخصيه حقيقيه معى

الفيس : هو بصراحه كمان من غير ما تزعل يعنى بداو يحاربوا بعض بسببك وكل واحد يقول انه عارفك اكتر والتانى يقول انه عارفك صح والباقى غلط وده يفسر كلامك والتانى مش عاجبه التفسير

الرب : ياولادى هل يرضيكم ؟ تعالوا الى لنبدء من جديد اشبعو بى وافرحوا بى وانشرو اسمى بالحق احبكم واقبلكم ومسامحكم .

أبونا أغناطيوس أنبا بيشوي: " لماذا أنت منحنية يا نفسي ولماذا تئنين في؟ ارتجي الله لأني بعد أحمده لأجل خلاص وجهه." ( مزامير ٤٢: ٥)

صدق انه خير

صدق لما ظروفك تكون صعبة ... وانت مش فاهم ليه؟ وتكون محتار !! ... أنه خير.

صدق لما جسدك يشتكى عليك بألم أو وجع ... الادوية أعراضها الجانبية أكتر من فوائدها أنه خير.

صدق لما تعمل خير مع ناس كتير ... وهم يردوا ليك بدل الخير شر ... أنه خير.

صدق لما تكون زى يوسف ترفض الخطية ... وبدل ما تكافئ تدخل السجن ... أنه خير.

صدق لما تتقفل معاك زى موسي ... البحر قدامك والعدو خلفك ... أنه خير.

صدق لما ربنا يفتح باب خير ... وإن قفل باب خير ... إن منح خير وإن منع ... أنه خير.

صدق أن ربنا لما يسمع صلاتك ويجاوبك خير ... وإن تأنى عليك ... أنه كل الخير.

صدق إن ربنا ماسك زمام الامور ... وكل الخيوط فى يده ... ولما يسمح بفرح أو بألم ... أنه خير.

صدق إن اليد اللى اتثقبت من أجلك لن تؤذيك ... ولن تقدم ليك إلا ... كل الخير.

صباح الخير والبركه.

أبونا أغناطيوس أنبا بيشوي: تفجير الكنائس

رجاء لكل اللي بيشوف الكلام ده دلوقتي ياريت متعملوش حاجة غير أنكم تدخلو أوضكوا تصلوا للأطفال والخدام و الأهالي اللي كانو معاهم سواء منتقلين او مصابينن وكمان للاهالي اللي فقدت عيالها و اي حد كان لديه قريب او صاحب (ربنا يديهم سلام و فرح يدهش العالم كله لان هو ده ايمانا و هو ده اللي ربنا يسوع المسيح و الكنيسة علمتهولنا من زمان و يفضّل لو فيه أطفال يصلوا معاكو لان ربنا بيسمع ليهم جدا جدا )

بلاش تحاليل و كلام لا هري لا هيجيب و لا هيودي عالحكومة و السياسة و الدين كل ده لاهيقدم و لا هياخر .

(كل ده بيتغير لما الركب بتركع و تصلي من القلب لان هو ده اللي المسيح قال لنا عليه و ده اللي حصل مع الي سبقونا و نالو السما)

مبقولش ان الموضوع عادي و سهل لا ده حاجة تقطع القلب و تحرق الدم

بس خلينا نعزي بعض بأنهم في مكان أحسن و حالة نتمني نكون فيها أنا او انت او اي حد تاني فيها

(ممكن يبقي أنا او انت علينا الدور المرة الجاية او علي اي حد من عيالنا و يبقي نفسنا حد يصلنا فالموقف ده لينا ( الصلاة هي اللي بتحيينا)

الحل هو الصلاة لو سمحتوا كله ياخد عياله و يدخل يصلي دلوقتي صلوا صلوا و أقفلوا ألفيس بوك شوية و اصرخوا للي ملناش غيره هو اللي في ايده المفاتيح و هو اللي بينقذ و يحيي و يغير الكون كله لصالح شعبه و غنم رعيته.

اللي قبلنا عملو كده و قدموا نفسهم و عيالهم بفرح.   

خلّونا نصلي عشان ننال الفرح اللي ممكن بيه نقدم نفسنا وعيالنا لو مرينا بالتجارب دي.