:#بقلم_تاسوني_سارة_جميل
خرجت تتمشي في شوارع أورشليم ورجليها خدتها علي السوق قالت اتفرج الدنيا فيها إيه وهي ماشيه سمعت كتير وشافت كتير ...سمعت عن يسوع شافي الجموع اللي شبعهم بخمسة خبزات وسمكتين واللي فتح عيون الأعمي وأقام لعازر بعد إيام واللي هدأ البحر وشفي المجانين ومرضي الجذام ... .قالت معقوله يكون فيه كدا ومكنتش مصدقه ودانها وفجأة شافت المفلوج بيجري قدامها وقالت دي حقيقة المجد يارب ليك ....بس كانت مهمومة وحزينه ومكسورة وضعيفه وهي ماشية سمعت صوت جميل جذبها آه دا صوت عصافير صوتهم حلوا وجميل قررت تخرج من ذاتها وتروح تشتري العصافير ....كان الرجل بينادي ويقول الخمسه بفلسين ودي بيعه مش هتلاقي زيها يا بلاش هتاخد اربع والخامس ببلاش يلا تعال ماتستناش ...راحت قالتله عايزة خمسه حط ليها اربع عصافير في القفص والخامس قالها دا فوق البيعه هاتي الفلسين أدت ليه الفلسين بس كان قلبها حزين علي العصفور المسكين اصل ملهوش ثمن وحيد وضعيف وحزين ومكسور الجناح ومش بيعرف يطير قالت علشان كدا فوق البيعه فقررت تهتم بيه وتعالجه وتغذيه وباهتمامها اصبح اجمل عصفور بصيت ليه وفرحت وقالت انا اهتميت بيك لاني زيي ماليش تمن وحيدة وضعيفه ومكسورة بس مش لاقيه حد يهتم بيا لاني خاطئة وكله بيستعر مني وبيبعدوا عني ونزلت الدموع من عيونها وطيرت العصفور وخرجت تتمشي برا والدموع تملء العيون وفجأة شافت يسوع قدامها أخدها في حضنه وقالها انا إله العصفور الخامس انتي وحيدة ومكسورة وضعيفه بس معايا قوية وانتي معايا مش لوحدك وانتي معايا زي الأيل هتجري هاخد ضعفك واديكي قوة هاخد فشلك واديكي نجاح هاخد دنسك واديكي طهارة هاخد خطيتك واديكي غفران هاخدك موتك واديكي حياة وتطيري زي العصفور ...عرفتي انا مين ولا لسه
٦اليست خمسة عصافير تباع بفلسين، وواحد منها ليس منسيا امام الله؟متي ١٢: ٦
عرفت انت مخلصي وحبيبي اللي كنت بنتظرك من سنين تيجي وتخلصني من خطيتي وتحررني من الأنين ....أشكرك يا إلهي الغالي اقبلني عبدتك وخادمتك طول السنين .....
قصة إله العصفور الخامس بقلم تاسوني سارة ينقل بالمصدر.
