كنت بفكر دايما فى معنى الجزء الموجود فى مزمور ٢٣ اللى بيقول “ مسحت بالدهن رأسى
وكنت فاكر ان المعنى رمزى وقصد ان ربنا عايزنا فى حالة كويسة او صحة جيدة
وعمرى ما فكرت ان ممكن يكون معناه حاجه تانية ، لحد لما اكتشفت ده بعدين وطلع الموضوع له قصة
الخرفان مُعرضين دايما ان فروة راسهم تشبك فى الشوك وهما ماشيين وممكن كمان يموتوا وهما بيحاولوا يفكوا نفسهم من ده
كمان بعض الحشرات بتضع البيض بتاعها قريب من فتحات الانف او العيون او الاذن والبيض ده بيتحول لديدان وبيدخل الخروف فى حالة جنان
وبتخليه ممكن يخبط راسه فى صخر واحيانا ممكن يموت كمان وهو بيحاول يتخلص من الحالة دى
فكان دايما الرعاة يدهنوا رأس الغنم بالزيت وده بيعمل طبقة عازلة وبيحمى الخروف من كل المشاكل دى وبتخليه يعيش فى سلام وهدوء
هل عمرك طلبت من الله انه يدهن راسك بالزيت؟!
هو عنده امداد كبير لك الزيت اللى عنده يقدر يحميك ويشفى قلبك وعقلك ويخلى عينك عليه على طول
،،، لك سلام من عنده … صلى ان الله يمسح راسك بالزيت لحد م كأسك يتملى ويفيض ( كأسى ريا)…هو صالح وامين
