صفحة أبونا أغناطيوس الأنبا بيشوي

صفحة المتحدث الرسمي بإسم الكنيسة القبطية الارثوذكسية

الْحَقَّ أَقُولُ لَكُمْ: إِنْ لَمْ تَرْجِعُوا وَتَصِيرُوا مِثْلَ الأَوْلاَدِ فَلَنْ تَدْخُلُوا مَلَكُوتَ السَّمَوَاتِ متي 18 :3

كان فيه طفل عنيد جدا وكان بيسمع كلام ابوه بصعوبة
فضل الأب يفكر ازاي يخليه يسمع الكلام
 لحد ماوصل للحل
قاله لو طلبت مني طلب وانا مش عاوز انفذه اكتب ورقة فيها طلبك ده وحطها قدام صورة بابا يسوع قبل ماتنام.
 ولما تصحي شوف هيكتب ويرد عليك ويقولك ايه "
وافق الطفل علي الفكرة
وفي مرة من المرات كتب الطفل قي الورقه
" يابابا يسوع بابا مش عاوزني اروح رحلة المدرسه وانا عايز اروحها مع اصحابي "
وبعد كده حط الورقه
 قدام الصورة ودخل نام
واثناء نوم الطفل اتسحب الأب بشويش لحد الورقه وكتب
 مش لازم المرادي ياحبيبي ,, اسمع كلام بابا علشان هو خايف عليك
ولما صحي الطفل ولقى
 الرد اقتنع وقرر انه
 يسمع الكلام
وفي مرة تانيه من المرات كتب الطفل
 " بابا يسوع بابا مش عاوز يشتريلي موبايل وكل اصحابي معاهم موبايلات "
ولما صحي لقى مكتوب " اكيد هيجبهولك ياحبيبي بس مش دلوقتي عشان ظروفه المالية صعبه شوية "
تمر الأيام والأب يتعب وهو راجع من شغله بالليل ويروح المستشفي وهناك يقرروا انه لازم يبات للصبح
فيكتب الطفل :
 " الحقني يا بابا يسوع بابا تعب وراح المستشفي عشان خاطري خليه يخف ويرجعلي بسرعه "
وبعد ماينام ويصحي
 يلاقي مكتوب
علي فكرة بابا هيخف وعلي فكرة بابا بيحبك  اوي وبيخاف عليك وعلي فكرة كمان 

 دي اول مرة اكتبلك فيها🌷


 القمص
جرجس زكي بنها 🌾