صفحة أبونا أغناطيوس الأنبا بيشوي

صفحة المتحدث الرسمي بإسم الكنيسة القبطية الارثوذكسية

رجل من معصرة حلوان ،ذهب ذات يوم للبابا كيرلس يشكو له :
يا سيدنا الست فوزية ،اتلككت لي قدام الناس وقطعت هدومها وراحت عملتلي محضر في القسم وأنا مطلوب النهاردة في النيابة !!!
فهز البابا كيرلس رأسه ولم يرد عليه بكلمة
فكرر الرجل الكلام علي البابا --------
فقال له البابا :إنت يا شفيق ،خد معاك 65 قرش فكة !!
فتعجب الرجل وأخذ يحدث نفسه وهو خارج
هو عرف اسمي ازاي وبعدين أقوله رايح النيابة يقول لي خد 65 قرش فكة ،،،ايه البابا العجيب ده !! هو أنا رايح أشتري بطيخ !!
وذهب شفيق للنيابة وجلس مع المتهمين ،،ودخل وكيل النيابة ونادى على المتهمين -----
:شفيق عبد النور حنا ---- فرد أيوة يا بيه
فقال وكيل النيابة ؛ اقعد على جنب يا شفيق هناك
ونادى على الثاني ---- سنة سجن  والثالث --- 6أشهر وغرامة والثالث --- الى أن انتهي ،وجمع أوراقه وخرج ،،فتعجب شفيق !! وسأل الصول ----- هو ما ندهش عليا ليه؟
الصول :يا عم شفيق معاك 65 قرش فكة ---
هو عطاك إفراج ومطلوب منك 65 قرش ثمن الدمغة
فتذكر شفيق كلمات رجل الله وقال :يا---- ه
علشان كده قالي :خد معاك 65 قرش فكة
حقا سر الرب لخائفيه ،فليتمجد اسم الرب