تاجر عسل
كان فيه تاجر عسل والناس كانت بتروح عنده تشتري عسل كل واحد واخد بلاص كبير يملاه عسل ويمشي.
وفِي مرة جت واحدة ست غلبانة ومعاها فنجان وبتقوله ممكن تتصدق علي وتملالي الفنجان ده قالها لا استني شوية ونده علي الصبي بتاعه وقاله خد الزلعة دي وصلها للست دي في البيت بتاعها.
واحد واقف وراها قاله ايه ده ياعم هي طلبت فنجان تديها زلعة بحالها
قاله هي طلبت علي أدها وانا باديها علي أدي
زي بالظبط ما ربنا بيتعامل معايا انا بطلب علي أدي وهو بيديني علي أده
.يعني خير ملهوش حدود