• a.jpg
  • b.jpg
  • c.jpg
  • d.jpg
  • e.jpg
  • f.jpg
  • g.jpg
  • h.jpg
  • i.jpg
  • k.jpg
  • l.jpg
  • m.jpg
  • n.jpg
  • o.jpg
  • WhatsApp Image 2020-03-08 at 4.09.42 PM(1).jpeg
  • WhatsApp Image 2020-03-08 at 4.09.42 PM.jpeg
  • WhatsApp Image 2020-03-08 at 4.09.43 PM(1).jpeg
  • WhatsApp Image 2020-03-08 at 4.09.43 PM.jpeg
  • WhatsApp Image 2020-03-08 at 4.09.44 PM.jpeg
  • WhatsApp Image 2020-03-08 at 7.30.40 PM.jpeg

صفحة المتحدث الرسمي بإسم الكنيسة القبطية الارثوذكسية

هل الأساس عندك راسخ والكنيسة محفورة جواك؟
ولا عايش في الكنيسة على الهامش

أيه هو التجسد؟ وأيه هو الفداء؟! .. هل معلومات نحفظها ونمتحن فيها وناخد بيها شهادات وبس؟! .. لا طبعا بدون فهم التجسد والفداء أنا عايش على الهامش مع ربنا، معنديش عمق، فأى فكرة تجيلك تقشك، أي واحد يقولك تعالى نرنم ترنيمة هادية وجميلة هنطفى النور وهنعمل جو.. تقول الله أنا أول مرة أحس بالروحانية.. هي دي الروحانية ولا بلاش... هى دى الروحانية؟! .. هى دى الكنيسة؟ هل دى المسيحية كده؟ أمال الجسد والدم المسيح سابهم ليه؟!

ماهو اللى مش فاهم تجسد وفداء ومش عايشهم ما يعرفش يمسك فى الجسد والدم مالهمش قيمه، مجرد ذكرى

مع أن المسيح قال من يأكل جسدى ويشرب دمي يثبت في وأنا فيه.. يعني لازم نثبت فيه؟! لأنه قال بدوني لا تقدرون ان تفعلوا شيئًا.. الطبيعة الفاسدة مش هتعرف تنقلها لعدم الفساد إلا بالغير فاسد.. هو اللي يعرف يعمل الحكاية دي.. والغير فاسد هو مين؟؟ هو الله نفسه!

عشان كده ادانا جسده.. لو أنا قولت ذكرى!.. أيه اللى هينقلنى لعدم الفساد؟!
ولا حاجه هفضل زي ما أنا فى فسادى
تيجى بقا تخش السما يقولك حاسب
الفاسد لا يرث عدم الفساد أستنى بره

بيقولوا الأرثوذكس متعصبين وبيقولوا مفيش حد غيرهم داخل السما.. الأرثوذكس ما قالوش كده!! السيد المسيح له المجد اللى قال: "إن لم تأكلوا جسد ابن الإنسان وتشربوا دمه ليست لكم حياة"... "من يأكلنى يحيا بى""جسدى مأكل حق ودمى مشرب حق"

أثناسيوس فهمها عشان من صغره راضع كنيسة.. البابا كان بيبص من شباك قلايته
لقى الطفل أثناسيوس مع شوية أطفال بيلعبوا معمودية.. وأثناسيوس عامل نفسه أبونا وهو طفل صغير وجايب واحد صاحبه بيعمده فى المياه.. راضع كنيسة.. الكنيسة محفورة جواه.

مش واحد عايش على الهامش.. أو واحد محدث.. أو واحد اقتحم الكنيسة اقتحام وعمل نفسه من آباءها.. ده آريوس.
أثناسيوس حاجة وآريوس ده حاجه تانية خالص.. واللى شّكل أثناسيوس حاجة واللى شّكل آريوس حاجة تاني خالص

شوف القديس كيرلس الكبير متربى على حجر خاله البابا ثاؤفيلوس.. فطالع الإيمان جوه خلاياه.. بيخر إيمان.. بيتكلم الكلمة بميزان ذهب.. ظابط كلامه ازاى؟ راضع
مش واحد عايش الكنيسة على الهامش

هو ده الموضوع الأهم.. لأن اللي عمل بدع فى الكنيسة ده مثل لى.. أنا ممكن أبقى كده.. أنا ممكن أبقى بروج لبدع وبسند مبتدعين وأنا مش واخد بالي
ممكن بشجع هراطقة وأنا مش واخد بالي
ممكن بشجع تيارات خاطئة وأنا مش واخد بالي .. مجرور ورا العاطفة.. ليه؟
عشان أنا عايش على الشط مش فى العمق.. قصبه فى مهب الريح.. قشاية تقوم شوية عاصفة تذريها
أمال أثناسيوس أيه؟! شجرة مغروسة عند مجارى المياة وما بيتحتحش!

أهو ده اللى بيقوله الكتاب المقدس أساس الله الراسخ قد ثبت إذ له الختم
مختوم بالروح القدس مش مجرد ممارسات ..لا دى عيشه ..واحد عايش فى الكنيسة...عايش فى أسرارها.. عايش فى وسائط النعمة.. سر التوبة والإعتراف بالنسبة له حاجه كبيرة أوى.. مش مجرد ممارسة فقط!

اللي عنده الأساس مش راسخ يقرأ على الفيس بوك تأمل واحد حاطه فى صورة كويسة وبشياكة.. مخه يتلحس ويمشى وراه.. يلاقى الكنيسة تقوله خد بالك اللى كاتب التأمل ده أفكاره غلط يروح قالب على الكنيسة.. بس بولس الرسول بيقول: "يعلم الرب الذين هم له

الكتاب المقدس بيقول
"فإن طهر أحد نفسه يكون إناء للكرامة"


أثناسيوس الرسولي.. كيرلس عمود الدين.. ديسقوروس.. كل الآباء.. تحط جنبهم البابا شنوده الثالث... أسماء لامعة حفرت لنفسها فى عمق الارض عشان تمد جذورها فى عمق الكنيسة.. فكبرت شجرة الكنيسة من عندهم.. فأكلنا من شجرة الكنيسة اللى زرعوها.. تيجى دلوقت تقولى عايز أمسك الكتاب المقدس كويس يقولك شوف أثناسيوس والقديس كيرلس قالوا ايه وفهموا ايه وكتبوا ايه؟؟ وفهموا الإيمان أزاى وأمشى زيهم.. أوعى تأخذ الإيمان من حد تانى!! النسر الارثوذكسي


نيافة الأنبا زوسيما أسقف أطفيح