صفحة أبونا أغناطيوس الأنبا بيشوي

صفحة المتحدث الرسمي بإسم الكنيسة القبطية الارثوذكسية

◀ ربنا مش هيسمحلك تضيع من ايديه ، هيجيبك هيجيبك ..

🐳 حتي لو هربت منه ورميت نفسك ف البحر زي ''يونان'' .. هيوصلك ف بطن الحوت.
🤕
 حتي لو بقالك سنين مكسور و قاعد عند البركه زي ''المفلوج''

*هيجيلك لحد عندك *

🐷 حتي لو ضيعت عمرك ع الفاضي و ذليت نفسك ف ارض غريبه زي ''الابن الضال'' .. هيفتحلك حضنه ويعوض ايامك خير

⚰حتي لو ملفوف ف تابوت ومتشال ع الكتاف زي ''ابن ارملة نايين'' ..
هيلمس نعشك ويرد فيك الروح

😵 حتي لو بقالك فتره مدفون ف القبر وريحتك طلعت زي ''لعازر'' .. *هيوهبك ف عز الموت حياه وف عز الحزن فرحه *

✝ حتي لو اتعلقت ع الصليب و نهايتك قربت زي ''ديماس'' ..
اول ما تنادي عليه هيقولك ''اليوم تكون معي ف الفردوس''

🐠حتي لو بقالك كتير رامي الشبكه ومش عارف تصطاد زي ''بطرس'' ..
هيجيلك ماشي علي الميه لو حتي ف الهزيع الرابع و يبارك عمرك اللي جاي

🌹 حبيبى ..ربنا مش هيسيبك تروح منه .. مش هتهون عليه .. مش هيفرط فيك ابدآ .. و معندوش اغلي منك .. وبيحبك زي ما انت كده ❤

🌟 الهنا اله النهايات الغير متوقعه .. اله المفاجأت الحلوه .. هيفرح قلبك 💝
 
~ أبونا داود لمعى