• a.jpg
  • b.jpg
  • c.jpg
  • d.jpg
  • e.jpg
  • f.jpg
  • g.jpg
  • h.jpg
  • i.jpg
  • k.jpg
  • l.jpg
  • m.jpg
  • n.jpg
  • o.jpg
  • WhatsApp Image 2020-03-08 at 4.09.42 PM(1).jpeg
  • WhatsApp Image 2020-03-08 at 4.09.42 PM.jpeg
  • WhatsApp Image 2020-03-08 at 4.09.43 PM(1).jpeg
  • WhatsApp Image 2020-03-08 at 4.09.43 PM.jpeg
  • WhatsApp Image 2020-03-08 at 4.09.44 PM.jpeg
  • WhatsApp Image 2020-03-08 at 7.30.40 PM.jpeg

صفحة المتحدث الرسمي بإسم الكنيسة القبطية الارثوذكسية

القداس

بتكون فيه السماء مفتوحة على الأرض ... ليكون الكل واحد.. الذي ثبت قيام صفوف غير المتجسدين (الملائكة) في البشر (إلى هوا احنا)

يعني بيكون صف بشر ... وصف ملائكة ... وهكذا لحد اخر الكنيسة ... يعني أكبر فرصة أقدم فيها كل الي عندي لربنا..

1_لو مش بتقرا إنجيل ونفسك تسمع كلمة ربنا.. روح القداس وهتسمع الإنجيل والبولس والكاثوليكون والابركسيس وكمان السنسكار.. هتشبع اهو بكلمة ربنا من كله.. بس ركز ✋😍
2_لو انت فرحان وحاسس أن ربنا اداك حاجة كتير .. حلو خالص.. هتروح تقله فلنشكر صانع الخيرات... شكرا على كل دا الي انا مستاهلوش 😄

3_لو معاك حد مضايق منه أو العكس.. تاخده معاك القداس وتستني عند قبلو بعضكم.. وتروحله مخصوص تقله سامحني.. هتبقا كبيره في نظره جدا ولو مسامحكش هيضطر يسامحك عشان خاطر ربنا بس.. ولو انت الي مضايق التسامح والمغفره هتلاقيها جاتلك لوحدها.. 👌❤

4_لو حاسس قلبك مشغول وبعيد عن ربنا.. استنى حتة اين هي الان قلوبكم.. وقله خد قلبي معاك.. صلحه وشيل منه كل العيوب أملاه بيك لو سمحت.. وفعلا هتطلع من القداس واخد قلب جديد.. تخيل بقا كل قداس تحضره تطلع بقلب جديد ❤❤

5_لو نفسك تشوف السماء هيوصفلك السماء ويقلك الذي يقف حوله الملائكة ورؤساء الملائكة والشاوربيم والسرافيم وكل الطغمات السمائية هتتوصف لك وانت قاعد🙈😍

6_لو نفسك تسبح ربنا ومش عارف.. حلو خالص اهو لحد عندك.. إبداء سبح بقا قدوس قدوس انت ايها الرب وقدوس في شئ.. 😇😇

7_لو محتاج الروح القدس يشتغل جواك اكتر.. استنى لحظة حلول الروح القدس.. واطلب من ربنا يخليها تشتغل ومتنطفيش✋

8_لو نفسك تصلي لكنيستك والبابا والاسقف واسرتك وكل الناس الي حواليك .. استنى الاواشي واطلب إلى انت عايزه منه.. 😄

9_لو مضايق وحاسس بخنقة.. استنى حتة إملاء قلوبنا فرحا ونعيما.. وارشم على قلبك صليب صغير.. وقله قلبي معاه شيل منه كل الوجع والضيق 😞

10_لو نفسك في حد يتشفعلك في السماء. يبدأ المجمع ابونا يذكر كل القديسين.. قل لهم بقا انت اطلبوا من ربنا عشان خاطري يسامحني وانتو كمان كلكم خليكم معانا دايما 😇❤

11_لو وحشك حد قريبك مات وزعلان عليه.. استنى الترحيم وقول اسمه في سرك.. وقوله زي ما خدت فلان عندك يارب ابعتلي تعزية من عندك.. وفعلا هتحس بفرق ✋

12_لو حاسس انك مش هتدخل السماء وقلقان.. استنى حتة اهدنا إلى ملكوتك.. قله عارف اني مستاهلش بس بطلب منك اهو تسمحلي اعيش معاك... ❤

13_لو مش حاسس بحب ربنا استنى القسمة.. وبص عليه شوف هوا بيحصله ايه عشانك.. كل دا عشانك انت صدقني 💔

14_لو ايمانك اتهز شوية وحاسس انه ضعف.. استنى الاعتراف أؤمن أؤمن أن هذا هوا بالحقيقة امين.. ✋

15_اجمع بقا كل الطلبات دي في قلبك واستني عند يا ملاك هذه الذبيحة.. قله استنى عشان خاطري خد الحاجات دي معاك ل ربنا 👆❤

من الاخر القداس حل لمشاكل كتير.👍👍علاقة حب متتوصفش❤.. حاجة فوق الخيال🙈.. تفاصيله حلوه جدا.. احساس الكنيسة مع صوت ابونا والشعب يصلي وراه مع صوت العصافير وشروق الشمس😂... حاجة حلوه جدا😍.. استمتع بالقداس حتة حتة متفوتش ولا حرف فيه.. صدقني دا اول خطوه نبدأ فيها مع ربنا.
.🙏🏻 استمتع 🙏🏻⁠⁠⁠⁠