• 01-1.gif
  • 01-1.jpg
  • 01-2.jpg
  • 01-3.jpg
  • 01-4.jpg
  • 01-5.jpg
  • 01-6.jpg
  • 01-7.jpg
  • 01-8.jpg
  • 01-9.jpg
  • 01-10.jpg
  • 01-11.jpg
  • 01-12.jpg
  • 01-13.jpg
  • 6c500738-1d97-4a22-83a4-e04791779239.jpg
  • 76acbc71-b2d4-4b27-b205-1b5e8a4c34f4.jpg
  • 200x300.jpg
  • 67631529-238d-4696-a33f-f18073f908c7.jpg
  • AEYQ3461.JPG
  • b9a82320-a85a-4752-9247-dae0111174cb.jpg

صفحة المتحدث الرسمي بإسم الكنيسة القبطية الارثوذكسية

دكتور عظام أكتر حالة صعبة بالنسبة له...."الكسر اللي اتجبس غلط" 
لإنه بيضطر يفك الجبس ، و يكسر العضم تاني ، و يرجع يجبسه صح م الاول و جديد
العملية دي مؤلمة جدا جدا للعيان لدرجة الصراخ ...

اللي بيحصل ف العيادة دا...هو نفسه اللي بيحصل معانا ف حياتنا
بيحصل معانا لما نتكسر ف حياتنا و نروح ندور علي علاج ف حاجات غلط ...
او عند ناس غلط ...
نروح نلهي نفسنا ف أفلام ... ومسرحيات... وخروجات... وفاكرين اننا كدا بنتعالج ...
نروح نشحت اهتمام ... وهيصة  ... ومحبة مزيفة من ناس غلط ... فاكرين اننا كدا بنتعالج ...
نروح نسمع ناس يدونا من خبراتهم هم ... ومشاعرهم هم ... اللي هي ماتنفعناش خالص ... و
 نعمل اللي بيقولوه ... وفاكرين أننا كدا بنتعالج ...

لحد ماييجي وقت نكتشف اننا اتعالجنا غلط و كسرنا أتجبس غلط ...
ساعتها مابنلاقيش قدامنا غير "ربنا" بعد ما كل حلولنا بتفشل و بعد ما كل اللي روحنالهم جبسونا غلط!! ...

بس ساعتها ربنا بيضطر "يكسر" الجبس الغلط دا ... بيضطر "يدغدغ" التشوهات اللي حصلتلنا عشان يصلحنا صح بقي ...
بيضطر يهد كل معتقداتنا اللي فاكرين انها صح ... ويلغي كل الحلول اللي فاكرين انها جبستنا

ساعتها ألم التكسير دا بيبقي لا يحتمل …
صعب جدا تشوف أفكارك اللي فاكر إنها صح … طلعت غلط
صعب جدا تكتشف أن الناس اللي كنت فاكرهم صح…طلعوا غلط
صعب جدا تتفاجئ ان كل الحلول اللي فاكرها صح … طلعت غلط

بس لازم يكسر كل دا عشان يصلح علي نضافة …
لازم يدغدغ كل القديم عشان يجبس صح …

العملية دي مؤلمة جدا جدا جدا … بس استحمل
لازم ألم … عشان تخف

† ربنا يسامح اللي جبسونا غلط
† ربنا أشطر دكتور عظام