عايز تاكل فشار؟؟
هات شوية ذرة ناشفة
 افتح بقك كدة؟؟
خد بقى الشوية دول كلهم.. قرقش!!
ايه ده يا عم ده ناشف يتاكل ازاى ده؟؟ هنهزر؟
طيب تعالى متزعلش
هات حلة..حط شوية زيت...على النار..حط الذرة..غطى عليهم.. اول ما تسمع الطقطقة .. هدى النار ... افتح بعد شوية بقى و كل احلى فشار
الفارق بين الكورن و البوب كورن
Corn and Popcorn
 هو شوية نار
هتفرقع اه.. و هطق من جنابك يمكن...هتنضغط اكيد...هتطير فى الهوا اوقات لازم
لكن فى الاخر هينفع تتاكل و يبقى ليك طعم لذيذ
النار يا جماعة..
مش كل نار بتحرق..
مش كل نار بتضر
فيه ناس بتخلينا احلى.. بتسوينا .. يبقى لينا طعم
استحمل النار الى هتسويك و هخلى ليك طعم
مش هتستحمل النار... متتكلمش عن النضوج
بس كدة خلاص...