لما الله قال لإبراهيم هاتدبح ابنك قاله امشي لحد ما اشورلك على الجبل اللي تقدملي فيه ابنك
تخيلوا معايا حد ماشي يدبح أغلى ما عنده ومش عارف ماشي رايح فين..
وكل شويه يعدي على جبل يقوله لا مش هو ... أصعب خطوه بعد ماتوافق على الترك. انه يسيبك مش عارف هاتدبح مشيئتك فين ... بيبقى الطريق طويل والوعد في ايدك و نفسك تخلص وتدبح لكن حتى في دي بتاخد وقت ... لو انت في مرحله انك وافقت انك تترك بس الطريق طويل ... اصبر هو هايقولك فين علشان لما ترجع نفس الطريق الطويل ده و معاك فرحتك في ايدك تفضل تفتكر كل خطوه مشيتها وانت حزين ومحتار و تبص في ايدك تلاقي الوعد لسه حي..
فالطريق الطويل النهارده هو شكر و فرح كتير قوى بكره.