صفحة أبونا أغناطيوس الأنبا بيشوي

صفحة المتحدث الرسمي بإسم الكنيسة القبطية الارثوذكسية

اكتر مكان فيه ميكروبات وعدوي هو المستشفي!
واكتر مكان فيه عثرات وضعفات ممكن تهز كيانك هي الكنيسة!!
 الكنيسة شبكة مطروحة في البحر
 فيها كل أصناف البشر!!
 وبيصادف يكون فيها
 أبناء عالي الكاهن و الكتبة والفريسيين و الخطاة والمرائين والتجار وباعة الحمام ..
فيها كل أصناف البشر اللي تتخيلهم واللي ما تتخيلهمش !
لو داخل عينك ع الناس هتتعب!
 لو عينك داخلة تفحص فلان وفلان العثرة هتبهدلك!!
اتعلم تشق طريقك ليسوع وسط الجموع
 وتلاقي ركنك الخاص في الكنيسة
 ساعتها هتشوف جمالها
 وعينك هتتعلم تشوف الناس بقلب آخر
 بمحبة تحمل وترفق
بعيون حب مش ميزان دينونة!
القديس ارسانيوس كان ركنه الخاص ورا عمود من أعمدة الكنيسة بيفحص ذاته ويقدم توبة
 موسي الاسود كان له ركنه اخر الكل يقدم توبة
 البابا كيرلس كان ملازم المذبح ، وهناك كان تلاقيه اليومي مع الرب يسوع
 ما قصدش أن يكون لك مكان بالمعني الحرفي، لكن اقصد يكون لك مكان منه عينك تبقي ثابتة علي الرب يسوع علشان خلاص نفسك.

 ابونا ابوللو الانطوني