صفحة أبونا أغناطيوس الأنبا بيشوي

صفحة المتحدث الرسمي بإسم الكنيسة القبطية الارثوذكسية

 كان مرة رجل أعزب يعيش وحده في شقة، ولأنه موظف حكومي نزل للشغل زي كل يوم، وبعدين حرامية الشقق راحوا يسرقوا الشقة بتاعته. وهما بيفتحوا الباب قفشتهم الست جارته.. فقالت لهم بتعملوا إيه ؟قالوا لها إن الراجل صاحب الشقة بيعزل وباعتهم ينقلوا الأثاث الموجود في الشقة.. فسابتهم ... سرقوا العزال ومشيوا، وبعدين جه الراجل صاحب الشقة، راحت الست اللي شافت الحرامية قالت له : مش إنت عزلت.. إيه اللي جابك ؟!! بص لها الراجل باستغراب وراح فتح الشقة لقاها أبيض من الصيني بعد غسيله... مالقاش غير تلات صور كان معلقهم.. صورة العدرا وصورة القديسة دميانة وصورة مارجرجس، فبص لهم بعتاب وقال لمارجرجس : "طيب الإتنين ستات مش هاعتب عليهم (العدرا والقديسة دميانة).. حضرة الضابط بقى كان بيعمل إيه (يقصد مارجرجس)؟. بعد شوية لقى ناس بينادوا عليه وبيقولوا له : خد عزالك يا عم.. حقك علينا.. خلاص حرمنا. قال لهم : إيه اللي حصل, قالوا له : انهم لما أخذوا العزال بتاعه في عز الظهر والشمس فوقهم.. وصلوا أول كوبري لقوا ضابط واقف..  قال لهم إنهم ماينفعش يعدوا... فرجعوا من طريق تاني لقوا نفس الضابط واقف لهم وقال لهم إنهم ماينفعش يعدوا، وفضلوا رايحين جايين في عز الشمس ونفس الضابط يقابلهم ومايعديهمش لحد ماتعبوا فرجعوا العزال... راح الراجل بص لمارجرجس وابتسم وقال له : "تمام ياااااافندم" 😍❤