• 01-1.jpg
  • 01-2.jpg
  • 01-3.jpg
  • 01-4.jpg
  • 01-5.jpg
  • 01-6.jpg
  • 01-7.jpg
  • 01-8.jpg
  • 01-9.jpg
  • 01-10.jpg
  • 01-11.jpg
  • 01-12.jpg
  • 01-13.jpg
  • 01-14.jpg
  • 01-15.jpg
  • 01-16.jpg
  • 01-17.jpg
  • 01-18.jpg
  • 01-19.jpg
  • 01-20.jpg

صفحة المتحدث الرسمي بإسم الكنيسة القبطية الارثوذكسية

نشن وارزع
احياناً لما اطلع البلكونه .. علشان اقف شوية من باب الاسترخاء .. او علشان ارمى للقطط اللى فى الشارع اكل .. انسى اقفل باب البلكونه كويس ورايا .. فتبقى فيه حته مفتوحه .. تروح داخله منه دبانه او ناموسه الى حجرة مكتبى .. ودا اكتر حاجة تسبب لى قلق انه يبقى فيه دبانه او ناموسه وانا قاعد فى المكتب
واللى باعمله هو انى باقوم فوراً امسك مضرب الدبان .. وبدقة متناهية .. اصوب اليها ضربة ساحقة ماحقه تنقلها الى مثواها الاخير .

والحكاية دى بتحصل معانا كلنا .. بس بصورة تانيه .. يعنى احياناً لما بنكون عاوزين نسترخى شوية .. و ننسى باب ذهننا مفتوح .. فتقوم دبانه من ارواح الشر تقعد تحوم  حوالين الذهن .. سواء اكانت الدبانه دى .. فكرة انتقام .. بغضة .. نجاسة .. مرارة .. الخ
ودا بيحصل مش دايما فى البلكونه .. لكن ممكن واحنا سايقين العربية .. او واحنا بنآكل .. او وحنا بنتمشى فى المول .. او واحنا قاعدين لوحدنا .. او واحنا مريحين على السرير وبنتمطع .. الخ

وتقعد الدبانة تزن .. زززززززززززززززز  يعنى اعمل كذا وكذا وكذا ..
زززززززززز اصل دا ماينفعش معاه الا كده وكده وكده
زززززززززززز .. وطبعاً مش بنبقى مبسوطين فنهش الدبانه .. بس بعدشوية صغيره تيجى تانى زززززززز  وتعيد نفس الفكرة

ومعروف ان ارواح الشر لما بتعيد الفكرة مرة واثنين وتلاته .. زى الدبانه بيبقى قصدها انها تثبت وتلزق الفكره ، وتربط الذهن بالخطية اللى بتحدفها .. اياً كانت هذه الخطية .. وطالما اتربط الذهن بيها .. يبقى هايعملها .

وخد بالك ان الدبانه ، بتنجذب الى المكان اللى فيه الحرارة والنور .. رغم انها مابتشفش .. ولأن ذهنك خد استناره بالروح القدس .. بيبقى ذهنك هدف لارواح الشر .. ومتنساش ان إبليس إتكلم الى الرب يسوع نفسه .. وكان بيعرض عليه فكرة السجود ليه مقابل مجد العالم .. وكلنا عارفين عمل فيه ايه الرب يسوع ( مت 4: 10 )

طب اعمل ايه ؟
عندك مضرب الدبان .. السلطان المعطى لك .. وبالنطق الخارج من فمك بالروح القدس .. نشن على الدبانه .. اللى هوه الروح اللى بيحدف عليك الفكره الشرير
يعنى اعلن وانطق بسلطان المسيح الساكن فيك .. وبطريقة محدده  .. ان اله السلام يسحقك ايها الروح النجس روح الانتقام  .. او روح النجاسة .. او .. الخ .. واعلن انتصارك فى المسيح ، اللى صنع الغلبة لاجلك ، وقال ثقوا انا قد غلبت العالم .. واغتسل واحتمى فى قوة دم ذبيحة يسوع المسيح .

اما بقى انك تعمل زى ناس .. لما تصلى تقعد تقول يارب الحقنى ابليس بيحاربنى .. وانا ضعيف .. يارب الشيطان شاطر وانا مش أده .. زيحه عنى ربنا يخليك
طبعاً كلام زى ده فى ظاهره صلاة .. بس يخلو من استخدام السلطان اللى اعطاه المسيح لاصغر مؤمن .. وكمان دا كلام بيمجد ابليس لانه بيقول عنه انه شاطر .. وكمان اللى بيقوله بيهرب من المسئوليه لانه  مكتوب قاوموا ( انتم ) ابليس فيهرب منكم ..

من فضلك خلى مضرب الدبان جنبك ( السلطان ).. واول ماتسمع ززززززززززز  ( صوت ابليس ).. نشن وارزع
مجدى حلمى شندى