صفحة أبونا أغناطيوس الأنبا بيشوي

صفحة المتحدث الرسمي بإسم الكنيسة القبطية الارثوذكسية

حتي المسيح أحس بالضيق واكتئب..
حتي المسيح بكي من كتر وجعه.. 😭
حتي المسيح اتكسر لما حبايبه سابوه تعبان لوحده و ناموا.. 😥
فمتصدقش ان الضيقة اللي انت فيها دي عشان علاقتك مش قوية بربنا أو انه سايبك ..
افتكر ان المسيح نفسه اكتئب وضاقت بيه و بكي.. 😢
المسيح مش واقف يوعظك تعمل ايه ف الحزن والاكتئاب.. لا 😃
المسيح حاسس جدا بكل اللي انت حاسه و مجربه ، هو نفسه اكتئب عشان يديك مثال حي تقلده لما تكتئب ..
شوف هو عمل ايه واعمل زيه:
١ روح مكان هادي و مريح "بستان چسيماني"� صلي صلي صلي صلي...
إفضل صلي دايما حتي لو الوجع مابيتشالش ماتبطلش صلاة..
٢ 😭 ماتكتمش الحزن جواك بحجة انك لازم تبان قوي او بحجة ان الرجالة ماتعيطش ..لا الرجالة طلعت بتعيط اهوه و اللي اقوي من القوة كلها ضعف و تعب و بكي..
٣ 🙋خليك لوحدك شوية عشان الحزن معدي..حرام تزود وجع الناس.
خليك حنين و ذوق زيه حتي ف عز آلمك..

٤ إفتكر حقايق مهمة اوي ان "الله ابوك" و "ان الله بيحبك" "وانه قادر يعدي كاس الالم دا بس اكيد الالم دا وراه هدف وانت لازم تعدي فيه"
٥ ماتتكسفش تطلب حبايبك حواليك...بس اختار اللي هتطلب منهم دا..
٦ اعذر الناس لو ناموا و سابوك...كلنا غلابة و تحت الضعف
٧ و اخيرا..بطل تسمع عن ربنا الحنين اللي بيريح المتألمين و روح كلمه هو نفسه و اشكيله كل اللي وجعك وعيط واحكيله كل حاجة احسن ماتحكيها للناس..

يسوع المسيح دايماً منتظرك علشان تحكي معاه وتشكي له .
" لا يخزي منتظروك " 🙏🙏🙏