صفحة أبونا أغناطيوس الأنبا بيشوي

صفحة المتحدث الرسمي بإسم الكنيسة القبطية الارثوذكسية

 سؤال صعب جداااا

أيوه..ماتستغربش السؤال..!!
الموصل مقر داعش ،
 هي نفسها زمان ، نينوي المدينة العظيمة في شرورها أمام الله..!

إيه رد فعلك دلوقتي بعد ماعرفت كده ؟!

إيه موقفك بعد ماشوفت فيديوهات كتييير عن حرقهم وقتلهم الوحشي للناس ؟!

وإيه شعورك تجاه الداعشيين دول ؟!

** خوف..؟!

طبعااا ومين ماخافش لما شافهم بيحرقوا انسان حي ، ويصوروه كمان لحظة بلحظة..!!

 انتقام..؟! طبعا ،
 ومين ماقالش يارب افنيهم من علي وش الارض ،
وتنزل نار م السما تولع فيهم ،زي ماحرقوا قلوب الناس..!!

** صلاة لتوبتهم..؟
! طبعا لأ !! هما بعد ماعملوا كل ده ، حتى لو تابوا ، ربنا هيقبل توبتهم ..؟!!

إيه رد فعلك بقي دلوقتى لو كلفك ربنا تسافر الموصل تكلمهم عن التوبة والرجوع ليه.. ؟!

** سامحنا يا يونان لأننا بنلومك كتير علي هربك ، ونومك في السفينة ، وعلى غيظك لما ربنا
رحمهم ، وقبل توبتهم..!!

** وأشكرك ياإلهي الصالح ، لأنك لاتشاء موت الخاطي مثلما يرجع ويحيا ،
ولا تتأثر محبتك للإنسان بمقدار شره ، بل تعطي الكل فرصة للتوبة ،
و تري في كل إنسان
 ولو فتيلة مدخنة ، فلا تطفأها ..!!🎋