خليك بطاطس!!

عارفين ليه البطاطس المحمرة هي الاكلة الوحيدة اللي اجتمع الناس كلهم علي حبها ؟

1- البطاطس المحمرة لما بتتقلي في الزيت بتبقي عادة مقرمشة من برة
و طرية من جوة ....
يعنى .....  لما حد يعمل معاك موقف سخن اوي ماتعملهوش وحش اوي ..
ايوة حسسه انك زعلان منه و خد موقف بس خلي قلبك ابيض و وطري "طيب يعني " مش ناشف و سامح عشان ربنا بيسامح

 2- البطاطس المحمرة تلاقيها عند ماكدونالدز ( فرينش فرايس) و برضه تلاقيها عند بتاع الفول والطعميه .....
يعني ...... انت كمان خليك زي البطاطساية ماتتكبرش علي حد
وصاحب كل الناس غني او فقير

3- البطاطس المحمرة بتتقدم مع حاجات كتير :مايونيز , كاتشب ,صالصة و طحينة بس بتفضل في الاخر اسمها بطااااطس
 يعني ..... مهما اتعرضت لثقافات و بيئات مختلفة احتفظ دايما بشخصيتك المستقلة و طريقة تربيتك
و خلي الناس هية اللي تتاثر بيك

4- البطاطس برضه ممكن تبقي شيبسي و هي اول حاجة بنفكر فيها لما بنحس بالجوع و احنا برة البيت
يعنى .....ساعد الناس دايما و خليك اول واحد ييجي علي بالهم لما يقعوا في مشكلة خليك جدع زي "الشيبسي"

5- البطاطس المحمرة لو اتهرست بتبقي بارضه طعمها حلو و ممكن نسميها "بطاطس بيوريه
يعنى .... مهما الدنيا تهرس و تبهدل فيك خليك شخص كويس و لذيذ و طلع للدنيا لسانك و قول "انا بطاطساية بيوريه "

عشان تبقي محبوب من كل الناس ...
خليك بطاطس

ولما حد يقولك أزيك يا بطاطس
تعرف أنك أحلي وأجدع صاحب في الدنيا

سلام بقى يا بطاطس...

#عجبتني 😂💜