الف مبروك 
الف الف مبروك
الف مليون مبروك
خبر سعيد جدا

يوجد الآن فراخ صيامى
وحلال
أولا  منزوعة الروح
ثانيا  خاليه من الدسم  وهذا بفضل العلماء
فبعد ما تم تصنيع جبنة صيامى
 ولانشون صيامى
وجاتوه صيامى
وكيكة صيامى
وبسبوسة صيامى
لا يسعنا إلا أن نشكر الشيطان الذى لم يحرمنا من شيء
نشكر العلماء والمفكرين الذين جعلونا اضحوكة للشياطين والناس 
شكراً لكل من ساهم فى ضياع الصيام من الروحانية
شكراً لكل من قدم لنا الباب الواسع لكى نخدع أنفسنا
شكراً للشيطان الذى لم يحرمنا من شيء
على فكرة مفيش فراخ صيامى
متقولش انك عارف
صدقني يا من تقراء هذا المقال لو اخترعوا شيء بطعم الكباب  والفراخ وجميع انواع الممنوعات فى الصيام هتلاقى ناس كتير جدا جدا اتخدعت أو أعطوا ضمايرهم حقنة بنج واكلوا
لو مش فاهم أن الصيام هو محاولة الدخول من الباب الضيق
متصومش
لو مش فاهم أن الصيام هو فترة تقضيها الروح فى قيادة الجسد حتى تذوق حلاوة الوجود مع الله متصومش
لو مش فاهم أن الصيام هو صرخة الجسد والروح لكى يتدخل الله فى كل مشاكلك الروحية والجسدية متصومش
لو مش فاهم أن الصيام هو سلاحك أمام الشياطين متصومش
لو مش فاهم أن كل ضعفاتك الروحية ليس لها علاج إلا بالصوم والصلاه متصومش
لو داخل الصيام ومش حاطط فضيلة تأخذها من الصيام متصومش
لو صيام علشان أى حاجة غير انك تتوب عن خطاياك وتقرب من ربنا و تكون ليك حياة حلوة معاة .أفطر احسن
احسن ماتضحك على ربنا وتضحك الناس عليك وعلى فكرة
ربنا ما بيضحكش عليه
ربنا يعلمنا كيف نحبة .ويعرفنا الطريق إلى الباب الضيق
الذي يوصلنا إلى الحياة والعشره الحلوة معاة .ربنا يعلمنا كيف نحبة لة المجد الدائم آمين .