سؤال من اب راهب ليا !
كنت باحكيله علي موقف تقيل اوي عشته
و ماكنتش باحكي و بس
كنت بعيطله و بقوله حقي
و حصل فيا و ازاي و مش ازاي و كلام كتير كده
و سألني وسط الكلام و قاللي اوكي...... هاتموتي امتي...
هاتموتي !!!...... ايه ياابونا !
سكت شويه و قولتله اكيييد معرفش
قالي و لو هتموتي بكره
بكل تلقائيه قولتله ياريت
قاللي حطي دايما قدام عينك ان الدنيا دي هتخلص
ان الشخص الي معاكي انهارده مش اكيد هاتلاقيه بكره
قالي كده بالظبط
اوعي تموتي و انتي ظالمه حد !
اوعي تروحي ليسوع وعليكم ديون لأحد مش بس مال.... ولكن أي حاجة مديونه فيها
في شكوي منك علي الارض.....
ارمي خبزك على وجه المياه... ازرعي الخير و سيبيه
قولتله.... انا بأحصد شر
قاللي و ماله بركه
المحبه بترحم و بتستر وتتغاضي عن الزلات
اوعي تزعلي من حد
اوعي تردي شر بشر !
بتحبي الناس دي
قولتله اكيد بس الي حصل ماينفعش يعدي
قاللي لأ....... ينفع
عديها و ماتخليش حد يسرق اكليلك....
عديها ومتخليش حد يسرق سلامك وهدوئِك
قاللي يابنتي المحبه لا تسقط...
قاللي ريحي نفسك
و لما تفتكري الموضوع ده صليلهم.... في كل صلاة.... اذكري أسماؤهم.... اطلبي من يسوع يسكن قلبهم.... علشان يذوقوا ما أطيب الرب و محبته
قاللي ماحدش ضامن عمره
مش مستاهله نخسر نفس علي امور مش دايمه !
تذكري ان يسوع عايزنا نروح السماء ومعنا أخرين
المحبة لا تسقط ابدا