في أيام إيليا النبي، سمح الله بحدوث مجاعة صعبة جداً بسبب شر الملك آخاب ... المطر وقف سنوات ... مافيش محاصيل زراعية ... جفاف تام، لا أكل يتاكل و لا مياه تتشرب ...

في وسط الظروف الاقتصادية القاسية دي، كان في أرملة بسيطة عايشة مع إبنها الوحيد في مدينة إسمها صرفة صيدا ...
ربنا طلب من إيليا يروح لها عشان يأكل و يشرب!!!

لما وصل لبيتها و طلب منها "قليل ماء" و "كسرة خبز" ، ردت عليه بكل بساطة إنها ماعندهاش غير "كَفّ مِنَ الدَّقِيقِ فِي الْكُوَّارِ، وَقَلِيلٌ مِنَ الزَّيْتِ فِي الْكُوزِ، وَهأَنَذَا أَقُشُّ عُودَيْنِ لآتِيَ وَأَعْمَلَهُ لِي وَلابْنِي لِنَأْكُلَهُ ثُمَّ نَمُوتُ»"😪

الظروف كانت كلها بتؤكد للأرملة، إنه مافيش أي سبيل للنجاة و مواصلة الحياة في بلد كل يوم اسوأ من اللي قبله...

<لكن>...كان رد رجل الله علي كلامها، غير متوقع بل و غير منطقي الصراحة:-

"لاَ تَخَافِي......لأَنَّهُ هكَذَا قَالَ الرَّبُّ إِلهُ إِسْرَائِيلَ: إِنَّ كُوَّارَ الدَّقِيقِ لاَ يَفْرُغُ، وَكُوزَ الزَّيْتِ لاَ يَنْقُصُ، إِلَى الْيَوْمِ الَّذِي فِيهِ يُعْطِي الرَّبُّ مَطَرًا عَلَى وَجْهِ الأَرْضِ."!!!

بيتهيألي لو انا كنت اللي باسمع الكلام ده من إيليا ... كان هيبقي رد فعلي حاجة من الاثنين:
١-هاقول الراجل خلاص يا حبة عيني عقله مش قادر يستوعب المآساة اللي حاصلة حواليه فبيقول اي كلام مُغلَّف بمسحة إيمان دينية عشان يصبر نفسه ... مضطرة اخده علي قد عقله عشان كدة كدة شوية و كلنااااا هنمووووت
٢-هتريّق عليه و علي حالنا ... و علي فكرة، هيكون عندي حق .... اصل ما باليد حيلة بس الواحد لو مافضفضش هيطق من اللي حصل للبلد بسبب آخاب ...

بس الكتاب المقدس بيحكي عن بطلة قصتنا إنها عملت أصعب حاجة ..... الأرملة الفقيرة "صدقت و آمنت" ان الله نور لطفه و محبته أقوي من عتمة الظروف المحيطة ...

و نلاقي الآيات دي بعد كدة:-
"فَذَهَبَتْ وَفَعَلَتْ حَسَبَ قَوْلِ إِيلِيَّا، وَأَكَلَتْ هِيَ وَهُوَ وَبَيْتُهَا أَيَّامًا. كُوَّارُ الدَّقِيقِ لَمْ يَفْرُغْ، وَكُوزُ الزَّيْتِ لَمْ يَنْقُصْ، حَسَبَ قَوْلِ الرَّبِّ الَّذِي تَكَلَّمَ بِهِ عَنْ يَدِ إِيلِيَّا."


🙏😊

💟 للمتضايق
"في العالم سيكون لكم ضيق لكن ثقوا انا قد غلبت العالم"

💟 للمتعب
"تعالوا الي يا جميع المتعبين والثقيلي الاحمال وانا اريحكم"

💟 للحائر
"أعلمك وأرشدك الطريق التي تسلكها انصحك عيني عليك"

💟 للحزين
"لا تحزنوا كالباقين الذين لا رجاء لهم"

💟 للباكي
"سيمسح الله كل دمعة من عيونكم"

💟 للضعيف
"تكفيك نعمتي لأن قوتي في الضعف تكمل"

💟 للمريض
"أني انا هو الرب شافيك"

💟 للمتكبر
"تعلموا مني لأني وديع ومتواضع القلب فتجدوا راحة لنفوسكم"

💟 للتائه
"أنا هو الباب، إن دخل بي أحد يخلص ويدخل ويخرج ويجد مرعى"

💟 للمظلوم
"أنا هو الطريق والحق والحياة"

💟 للغضبان
"اغضبوا ولا تخطئوا لاتغرب الشمس على غيظكم"

💟 لليتيم
"هل تنسى المرأة رضيعها فلا ترحم ابن بطنها، حتى هؤلاء ينسين أما أنا فلا انساك"

💟 للسائل
"إلى الان لم تطلبوا شيئا باسمي اطلبوا تأخذوا ليكون فرحكم كاملا"

*ما أعظم إلهنا
إلهنا إله الحب والعطاء*
🙏🙏🙏

 ﻣﻦ ﺍﻛﺘﺮ ﺍﻟﺸﺨﺼﻴﺎﺕ ﺍﻟﻠﻲ ﺑﻜﺖ ﻑ ﺍﻟﻜﺘﺎﺏ ﺍﻟﻤﻘﺪﺱ
 ﻫﻮ "ﻳﻮﺳﻒ"  ..
ﺩﻣﻮﻋﻪ ما كانتش ﺩﻣﻮﻉ ﻭﺟﻊ ﻭﺁﻟﻢ
ﻛﺎﻧﺖ ﺩﻣﻮﻉ💧 ﺻﺒﺮ ﻭﺍﻳﻤﺎﻥ ..
ﻳﻮﺳﻒ ﻣﺒﻜﺎﺵ ﻟﻤﺎ ﺍﺧﻮﺍﺗﻪ ﺑﺎﻋﻮﻩ
ﻭﻻ ﻟﻤﺎ ﺩﺧﻞ ﺍﻟﺴﺠﻦ ﻇﻠﻢ ..
ﻣﺒﻜﺎﺵ ﻟﻤﺎ ﻋﺎﺵ ﻑ ﺍﺭﺽ ﻏﺮﻳﺒﻪ ﻣﺎﻟﻮﺵ ﻓﻴﻬﺎ ﺣﺒﺎﻳﺐ
ﻣﺒﻜﺎﺵ ﻟﻤﺎ ﺭﺋﻴﺲ ﺍﻟﺴﻘﺎﻩ ﻧﺴﻲ ﻭﻋﺪﻩ ﻟﻴﻪ ﻑ ﺍﻟﺴﺠﻦ ﻭﻣﻔﺘﻜﺮﻭﺵ ..

١ - ﺍﻭﻝ ﻣﺮﻩ ﺑﻜﻲ ﻓﻴﻬﺎ ﻳﻮﺳﻒ ﻟﻤﺎ ﻗﺎﺑﻞ ﺍﺧﻮﺍﺗﻪ ﻭﻫﻤﺎ ﻣﻴﻌﺮﻓﻮﺵ ﺍﻧﻪ ﺍﺧﻮﻫﻢ ..
ﺍﻟﻜﺘﺎﺏ ﺑﻴﻘﻮﻝ "ﻓﺘﺤﻮﻝ ﻋﻨﻬﻢ ﻭﺑﻜﻲ"  ..
 
٢- ﺗﺎﻧﻲ ﻣﺮﻩ ﺑﻜﻲ ﻓﻴﻬﺎ ﻟﻤﺎ ﻗﺎﺑﻞ ﺑﻨﻴﺎﻣﻴﻦ ﺍﺧﻮﻩ ﺍﻟﺼﻐﻴﺮ  ..
ﺍﻟﻮﺣﻴﺪ ﺍﻟﻠﻲ ﻛﺎﻥ ﻗﻠﺒﻪ ﺣﻨﻴﻦ ﻋﻠﻴﻪ ﻭﻣﻴﺮﺿﻴﺶ ﺑﺂﺫﻳﺘﻪ  ..
ﻭ ﺳﺎﻋﺘﻬﺎ ﺣﻦ ﻻﺧﻮﻩ .. ﻭﻟﻌﺸﺮﺗﻪ ﻣﻌﺎﻩ ﻭﻣﻘﺪﺭﺵ ﻳﻤﺴﻚ ﻧﻔﺴﻪ ﻣﻦ ﺍﻟﺤﻨﻴﻦ ﻟﺪﺭﺟﺔ ﺍﻧﻪ "ﻃﻠﺐ ﻣﻜﺎﻥ ﻟﻴﺒﻜﻲ "

٣ - ﺗﺎﻟﺖ ﻣﺮﻩ ﺑﻜﻲ ﻓﻴﻬﺎ ﻳﻮﺳﻒ ﻟﻤﺎ ﺍﺧﻮﺍﺗﻪ ﺣﻜﻮﻟﻪ ﻗﺼﺔ ﺍﺧﻮﻫﻢ ﺍﻟﻠﻲ ﺭﺍﺡ ﻭﻭﺟﻊ ﻗﻠﺐ ﺍﺑﻮﻩ ﻋﻠﻴﻪ ..
ﻭﻗﺘﻬﺎ ﻳﻮﺳﻒ ﻣﺴﺘﺤﻤﻠﺶ ﻭﺧﺮﺝ ﻛﻞ ﺍﻟﺨﺪﻡ ﻣﻦ ﻗﺪﺍﻣﻪ ﻭﺑﻜﻲ ﺑﻜﺎء ﻋﻈﻴﻢ ﻗﺪﺍﻡ ﺍﺧﻮﺍﺗﻪ ﻭﻋﺮﻓﻬﻢ ﺑﻨﻔﺴﻪ  ..
ﻭﺍﻟﻐﺮﻳﺒﻪ ﺍﻧﻪ ﻗﺎﻟﻬﻢ ﻣﺘﺘﺂﺳﻔﻮﺵ ﻭﻣﺘﻌﺘﺬﺭﻭﺵ ﻋﻠﻲ ﻛﻞ ﺍﻟﻠﻲ ﻋﻤﻠﺘﻮﻩ ﻣﻌﺎﻳﺎ ..
ﺭﺑﻨﺎ ﻛﺎﻥ ﻗﺼﺪﻩ ﺧﻴﺮ ﻑ ﺣﻴﺎﺗﻲ ﻭﻛﺎﻥ ﺭﺍﺳﻢ ﻃﺮﻳﻘﻲ ﻭﻣﺸﻮﺍﺭﻱ ..

٤ - ﺭﺍﺑﻊ ﻣﺮﻩ ﺑﻜﻲ ﻓﻴﻬﺎ ﻳﻮﺳﻒ ﻟﻤﺎ
ﻗﺎﺑﻞ ﺍﺑﻮﻩ ﻳﻌﻘﻮﺏ  .. ﺣﺒﻴﺒﻪ ﺍﻟﻠﻲ ﻓﺎﺭﻗﻪ ﻣﻦ ﻏﻴﺮ ﺫﻧﺐ .. ﻭﺍﻟﻜﺘﺎﺏ ﺑﻴﻘﻮﻝ ﺍﻧﻪ ﺑﻤﺠﺮﺩ ﻣﺎ ﺷﺎﻓﻪ "ﻭﻗﻊ" ﻋﻠﻲ ﻋﻨﻘﻪ  .. ﻭﺑﻜﻲ ﻋﻠﻲ ﻋﻨﻘﻪ ﺯﻣﺎﻧﺂ

ﻫﻴﺠﻴﻠﻚ ﻳﻮﻡ ﺗﺒﻜﻲ ﻟﻤﺎ ﺗفهم ﺗﺪﺑﻴﺮ ﺍﻟﻠﻪ ﻟﻴﻚ
ﻫﺘﺒﻜﻲ ﻟﻤﺎ ﺗﺤﺲ ﺍﻥ ﺭﺑﻨﺎ ﻣﺘﺨﻼﺵ ﻋﻨﻚ ﻑ ﻋﺰ ﺍﺯﻣﺎﺗﻚ ﻭﺿﻴﻘﺎﺗﻚ ﻭﻣﺸﺎﻛﻠﻚ
ﻫﺘﺒﻜﻲ ﻟﻤﺎ ﺗﻌﺮﻑ ﺍﻥ ﺍﻟﻀﻴﻘﻪ ﺍﻟﻠﻲ ﻛﻨﺖ ﻓﻴﻬﺎ ﺭﺑﻨﺎ ﻃﻠﻌﻚ ﻣﻨﻬﺎ ﺍﺣﺴﻦ ﻭﺍﻗﻮﻱ ﻣﻦ ﺍﻵﻭﻝ
ﻫﺘﺒﻜﻲ ﻟﻤﺎ ﺭﺑﻨﺎ ﻳﺮﻓﻌﻚ ﻭﻳﺮﻓﻊ ﺭﺍﺳﻚ ﻗﺪﺍﻡ ﻛﻞ ﺍﻟﻠﻲ ﻇﻠﻤﻮﻙ ﻭ ﺁﺫﻭﻙ
ﻫﺘﺒﻜﻲ ﻟﻤﺎ ﺭﺑﻨﺎ ﻳﺎﺧﺪﻟﻚ ﺣﻘﻚ ﻭﻳﺠﺒﻬﻮﻟﻚ ﻟﺤﺪ ﻋﻨﺪﻙ
ﻫﺘﺒﻜﻲ ﻟﻤﺎ ﺗﻔﺘﻜﺮ ﺷﺮﻳﻂ ﺣﻴﺎﺗﻚ ﻭﻛﻞ ﺫﻛﺮﻳﺎﺗﻚ ﺍﻟﻤﺆﻟﻤﻪ ﺍﻟﻠﻲ ﺭﺑﻨﺎ ﺣﻮﻟﻬﺎ ﻻﻧﺘﺼﺎﺭﺍﺕ ﻭﺑﺮﻛﺎﺕ
ﻭﺯﻱ ﻣﺎ ﺑﻜﻴﺖ ﺯﻣﺎﻥ ﻡ ﺍﻟﻮﺣﺪﻩ ﻭﺍﻟﻮﺟﻊ ..

ﺑﻜﺮﻩ ﻫﺘﺒﻜﻲ 💧💧ﻣﻦ ﺍﻟﻔﺮحة!

هل تعرفهم........

تعالى معايا........ نتعرف عليهم

1. #مارمرقس .. كاروز الديار المصرية إستشهد عام 68 .. بشر في لبنان وسوريا وقبرص وروما
2. #برنابا / يوسف .. هو الذي قدم بولس للرسل .. زميل بولس في الخدمة .. إستشهد في قبرص مسقط رأسه
3. #لوقا .. هو طبيب ورسام لازم بولس في أسفاره كتب الإنجيل وأعمال الرسل إستشهد علي يد نيرون
4. #متياس .. حل محل يهوذا الإسخريوطي الخائن بشر آكلي لحوم البشر عذب كثيرًا تنيح بسلام
5. #يوسف / يسطس .. رشح ليحل محل يهوذا الإسخريوطي بشر في بتروبوليس وأصبح أسقف لها
6. #كليوباس .. أحد تلميذي عمواس بشر في بلاد عديدة ثم مات
7. #أسطفانوس .. هو أول السبعين ، أول الشمامسة ، أول الشهداء
8. #فيلبس .. أحد الشمامسة بشر في أشدود وقيصرية وأسيا تنيح بسلام
9. #بروخورس .. شماس خدم مع يوحنا الحبيب أصبح أسقف علي نيقوميدية تنيح بسلام
10. #نيكانور .. شماس إستشهد رجمًا في قبرص عام 76م
11. #تيمون .. شماس بشر في قبرص رسم أسقف علي أحد مدن البلقان إستشهد مصلوبًا
12. #برميناس .. شماس لازم أورشليم لرعاية الفقراء والأرامل
13. #نيقولاوس .. كان شماس ضل كيهوذا الإسخريوطي إعتنق بدعة وأبغضه الرب
14. #حنانيا .. أسقف دمشق عمد شاول إستشهد رجمًا
15. #لعازر .. أقامة السيد من الأموات كان أسقف قبرص تنيح بسلام
16. #أندرونيكوس .. سجن مع بولس خدم مع يونياس الرسول كان أسقف بنوتياس
17. #يونياس .. نسيب بولس الرسول لكنه آمن بالمسيح قبله تنيح بسلام بعد تحمل شدائد كثيرة
18. #أرستوبولس .. أسقف علي أحد مدن أسبانيا إستشهد رجمًا
19. #فريسكا .. أسقف علي خورانياس تنيح بسلام
20. #يهوذا / برنابا "أداي" .. بشر الأمم بقرارات مجمع أورشليم رفيق سيلا كان واعظ مقتدر
21. #سلوانس .. المعروف بإسم سيلا خدم مع بولس أسقف علي تسالونيكي
22. #أولمباس .. شارك بطرس الرسول شدائده إستشهد بعده بيوم واحد
23. #تيطس .. من جزيرة كريت وأسقفًا لها خدم مع بولس
24. #أغابوس .. تنبأ عن جوع شديد وإضطهاد بشر في أنطاكية
25. #فورس .. رافق بولس وبشر في أماكن كثيرة تنيح بسلام
26. #كاربوس .. خدم في اليهودية أسقفًا علي ترواس تنيح بسلام
27. #أبفراس .. هو خادم غيور خدم في كولوسي ، لاودكية ، هيرابوليس ، نال إكليل الشهادة
28. #أبفرودتس .. خدم في فليبي مع بولس نال إكليل الشهادة
29. مناسون .. قبرصي خدم في قبرص نال إكليل الشهادة
30. أمبلياس .. خدم في رومية أصبح أسقف علي أحد مدن روسيا نال إكليل الشهادة
31. أوربانوس .. عاون بولس كثيرًا كان أسقف علي مكدونية نال إكليل الشهادة
32. سمعان الدباغ .. إستضاف بطرس كرز في بيزنطية نال إكليل الشهادة
33. استاخيس .. خدم في رومية نال إكليل الشهادة
34. أبلس .. أسقف هيراكليا تنيح بسلام بعد جهاد عظيم
35. أبينتوس .. خدم في رومية سيم أسقفًا علي قرطاجنة تنيح بسلام
36. هيروديون .. ولد في طرسوس خدم في تيراس وإستشهد فيها رجمًا
37. قدراطس .. يوناني بشر في مدينة مغنيسية إستشهد في آثينا
38. أسينكرتيس .. خدم في رومية تنيح بسلام
39. غايس .. خدم في تسالونيكي بشر في أنطاكية نال إكليل الشهادة
40. أرسترخس .. مقدوني بشر في اليونان سافر مع بولس تنيح بسلام
41. أفتيخوس .. خدم مع يوحنا الحبيب ، خدم مع بولس ، بشر في سبسطية ، تنيح بسلام
42. سمعان كلوبا .. إبن شقيق يوسف النجار أسقف أورشليم إستشهد عن عمر 120 عام
43. مناين .. كرز وعلم في أنطاكية تنيح بسلام
44. فليغون .. خدم في رومية تنيح بسلام
45. هرماس .. إشتهر بأنه جامع الفضائل
46. لينس .. أول أسقف علي رومية وإستشهد هناك
47. كوارتس .. بشر في أسبانيا ، كرز مع بولس الرسول في كورونثوس ، إستشهد في أسبانيا
48. بتروباس .. خدم في رومية كان أسقف برتوبياس ، تنيح بسلام
49. زنياس .. المشهور بالناموسي لعلمه الغزير خدم في كريت تنيح بسلام
50. فليمون .. ولد في لاودكية خدم في كولوسي كتب له بولس الرسول رسالة ، تنيح بسلام
51. أرخبس .. هو إبن فليمون وأسقف كولوسي دعاه بولس بالمتجند معه
52. أنتيباس .. ذكر في سفر الرؤيا أسقف برغامس نال إكليل الشهادة
53. ترتيوس .. خدم مع بولس الرسول صار أسقف علي أيقونيا تنيح بسلام
54. لوكيوس القيرواني .. علم في أنطاكية أقيم أسقف علي كنخريا
55. أنيسيفورس .. خدم في أفسس وبارسنيه والي أفسس سحله علي الصخر والشوك حتي إستشهاده
56. تيخيكوس .. خدم في أسيا الصغري رافق بولس الرسول في بعض أسفاره
57. سوستانيس .. سيم أسقفًا إستشهد برميه في البحر فمات غرقًاً
58. نركيسوس .. خدم في رومية رافق بولس رسم أسقفًا لأثينا
59. أخائيكوس .. خدم في كورونثوس زار بولس الرسول في سجنه
60. أرتيماس .. خدم مع بولس الرسول
61. بوديس .. خدم في رومية
62. تروفيموس .. خدم مع بولس الرسول رسم أسقف علي روما
63. سوسيباترس .. هو يوناني صاحب بولس الرسول رسم أسقف علي أيقونيه
64. فرتوناتوس .. كورونثوثي خدم فرتوناتوس مع بولس في أفسس
65. نيريوس .. خدم في روما
66. أرسطوس .. هو واحد من رفاق بولس الرسول رسم أسقف علي أورشليم
67. أكيلا .. كان صديقًا لبولس الرسول كان صانع خيام
68. الكسندروس .. إبن سمعان القيرواني رسم أسقف علي أفينون بفرنسا
69. روفس .. الإبن الثاني لسمعان القيرواني رسم أسقف علي تيباس
70. ياسون .. طرسوسي كان أسقف علي طرسوس كرز بالمسيح في تسالونيكي
❤❤❤❤❤❤❤❤❤❤

كلنا جومر 

هوشع النبي دا رجل تقي جدا .. كلنا عارفينه ونسمع عنه ..  بس ربنا لما وجهله رسالة كانت مختلفة جدا عن باقي الانبياء .. الله كلمه مش عشان يكلم اسرائيل ولا يبشر حد ولا يتنبأ علي امم او ممالك ولا يكتب رؤيا او حاجة من الكلام دا
قاله روح اتجوز جومر ☆ العاهرة ☆ اللي مش هاتشرفك قدام الناس .. اللي هاتتعبك .. اللي هاتبذل مجهود مضاعف عشان توصلها حبك .. اللي ملهاش قيمة زي باقي البنات والعرسان مش بيتخانقوا عليها
جومر يارب ؟؟
طب ليه ؟؟
طب رجولتي ؟؟
طب سمعتي ؟؟
طب هيبتي وسط الناس ؟؟
كان نفسي اتجوز واحدة الرجالة كلها تحسدني عليها .. كان نفسي لما ابقي ماشي معاها البنات كلها تغير منها ومن جمالها .. ولا اخلاقها .. ولا عيلتها .. ولا ايه ولا ايه .. بس عموما .. اللي تشوفه انت يارب !!
وفعلا تنازل واتجوزها .. وزي ما بيقولوا كدة ☆ رضينا بالهم ☆ والهم مش راضي بينا
جومر بقت تهرب منه .. تخيل هي اللي بتهرب .. اصلها مش متعودة علي الحب النقي الثابت الهادي .. بتحب التنطيط والتغيير .. بتزهق .. لكن هو مازهقش .. وكان كل مرة يروح وراها ويرجعها .. وعمل اكتر حاجة صعبة هاتربطه بيها .. خلف منها
باختصار ☆ هوشع حبها لما مكنش في اي سبب يخليه يحبها
حبها لما رمي الناس والتقاليد والسمعة والمنظر والشكل ورا ضهره
حبها لما فضل الحب ☆ وقرر يسمع صوت الله وينسي احتياج الرجولة الاول .. التقدير.. منها ومن اللي حواليه
عرفت ربنا قد ايه صابر عليك ☆ ومستحملك رغم اللي بنعمله ☆ علشان انا وانت جومر ورغم كده بيحبك ☆☆ بيحبك من غير حاجة تستاهل تتحب عليها هي ديه

"المحبة قوية كالموت"

السماء التي صعد اليها الرب يسوع المسيح لم تكن هي السماء التي تحلق الطيور والطائرات .. ولا هي سماء النجوم والقمر .. لكن صعد الي السماء التي بها الفرح الدائم والتهليل حيث لا حزن ولاكآبة ولا تنهد هي عرش الله ذاته ومجده الأبدي (يو ٣:١٤)

شهدوا وقالوا عن الكتاب المقدس
+ قال إسحق نيوتن1642_1727م :مؤسس علم الطبيعه (إننا نحسب كتاب الله أبلغ فلسفه،فإنني أجد فيه علامات أثبت ع صدقه مما ف أي تاريخ آخر)
+ وقال الفيلسوف العلامه فرنسيس بيكون1561_1626م: (إن خلائقك يا إلهي كانت كتابآ لي، ولكن كتابك فاقها جميعآ)