ارجعوا إلي، يقول رب الجنود، فأرجع إليكم، يقول رب الجنود
زكريا 1 : 3
الله يدعونا كي نرجع إليه، ينادينا و ينتظرنا
إديني يا إلهي موسم رجوع لشخصك: رجوع حقيقي، توبة صادقة، قيامة معاك من موت و قيود و كسل و عادات رديئة ...
- أرجع إليك يا إلهي بفكري عشان تدّيني فكر المسيح ... تقدس كل أفكاري فيك و تبقى انت اللي شاغل فكري طول الوقت .. حتى و أنا باشتغل، أفكر في صلاحك و محبتك
- أرجع إليك يا رب بمشاعري و عواطفي و إرادتي و قلبي ... و زي ما اترشمت بالميرون و اتقدّست ليك و أنا صغير، أرجع أجدّد عهدي معاك: إني أتبعك بكل ما فيّ و أجحد إبليس بكل حيله و كل أعماله
- أرجع إليك يا رب بإنساني الداخلي، و أتوب عن كل خطاياي اللي ماحدش شايفها غيرك في الوقت اللي الشكل اللي باين للناس جميل و حلو ... و انت وحدك اللي عارف داخلي المظلم و غير النفي
- أرجع إليك بمحبة حقيقية ، ببنوة محتاجة أبوّتك، بعطش لا يرويه غيرك انت يا ينبوع النعم
راجع إليك يا إلهي فتعالى و ارجع انت أيضاً، و اغفر لي و جدّد حياتي و اغسلني فأبيضّ أكثر من الثلج و اصنعني وعاء آخر كما يحسن في عينيك أيها الفخاري الأعظم
