“لَكِنِ ٱطْلُبُوا أَوَّلًا مَلَكُوتَ ٱللهِ وَبِرَّهُ، وَهَذِهِ كُلُّهَا تُزَادُ لَكُمْ. فَلَا تَهْتَمُّوا لِلْغَدِ، لِأَنَّ ٱلْغَدَ يَهْتَمُّ بِمَا لِنَفْسِهِ. يَكْفِي ٱلْيَوْمَ شَرُّهُ.”
‮‮مَتَّى‬ ‭6‬:‭33‬-‭34‬ ‭..

سيدة بتحكي، في القداس جاتلي واحدة ست بسيطة

خالص وقالت لي ممكن تكتبيلي ورقة على المذبح ..قلت لها اه طبعا
فطلعت ورقة وقلم وقلت لها اكتب ايه ..
قالت اكتبي :
" عايزين يارب الملكوت انا وعيالي وجوزي .."

وسكتت .. وانا باصة في الورقة وماسكة القلم ومستنية تكمل وايه تاني ..

لقيتها اتحركت ورجعت مكانها .. وانا مستغربة ومش فاهمة
يعني ادي الشماس الورقة بالجملة دي وخلاص كدة ..

رحت لها وقلت لها :
عايزة تكتبي حاجة تاتي

قالت : لا .. خلاص كدة

انا : طيب مش عايزاني اكتب الاسماء .. اسمك واسم زوجك وعيالك

قالت وهي مبتسمة : لا ..مش لازم
وبتهز رأسها عايزة تلمح ماهو عارفنا ...

طبقت الورقة وانا في ذهول وادتها للشماس ..

قلت .. حقيقي هي جابت في طلبتها من الاخر ..
ملكوت السموات ..
الطلبة اللي ربنا علمنا اننا نطلبها:
" اطلبوا اولا ملكوت الله وبره وهذه كلها تزاد لكم .."

وانا بفكر في طلبة الست دي وبطلبها معاها لقيت الكاثوليكون بيقول :
" تطلبون ولستم تأخذون لانكم تطلبون رديا ..."

وكأن ربنا بياكد رسالته .. اطلبوا الملكوت .. الملكوت وبس
والباقي هيبقى تحت رجلينا

هو فية طلبة احلي من كدة الست دي بالرغم من بساطتها عارفة اية الطلبة اللي هاتلمس قلب ربنا وهتاخد بيها كل اللي عاوزاة من غير ماتقول ولا كلمة
🙏ربنا يدينا ايمان زيها بدل مابنكتب عريضة طويلة كل مرة طلبات
دي فكرتني باللص اليمين اللي ربح الملكوت بكلمتين وبس