كان في ست عجوز كل يوم أحد تقابل ابونا في الكنيسة وتقوله انا بشوف المسيح كل يوم وتقعد تحكيله المسيح كل يوم يخبط عليها وتفتحله ويعدوا يحكوا مع بعض ... وكانت تقول لابونا ان يسوع حاسس بيها علشان عايشة لوحدها مش معاها حد ... وللأسف ابونا مكنش مصدقها
وعشان يتأكد من كلامها قالها اسمعي يا أمي لما تشوفي المسيح ابقي قوليله ابونا وقع في خطية يوم الاثنين خليه يقولك عليها وانتِ تقولهالي وانا هاصدقك
الست قالتله حاضر يا ابونا هيجي النهارده واساله
ولما شافت المسيح بالفعل قالته يا يسوع ابونا وقع في خطية يوم الاثنين ممكن تقولي عليها عشان أقله عليها
رد عليها المسيح في حب وقالها الخطية اللي وقع فيها ابونا يوم الاثنين قدم عنها توبة يوم الثلاثاء فأنا خلاص نسيتها
رجعت الست وحكت لابونا علي الحوار ففرح ابونا وقالها "هو ده مسيحنا"

"أنا أنا هو الماحى ذنوبك لأجل نفسى وخطاياك لا أذكرها" (أش ٤٣: ٢٥)