“اِفْرَحُوا فِي ٱلرَّبِّ كُلَّ حِينٍ، وَأَقُولُ أَيْضًا: ٱفْرَحُوا.”‮‮فِيلِبِّي‬ ‭4:4‬ ‭AVD‬‬

في يوم من الايام سنة١٩٧٥ صحيت مدينه في الصين كامله على وجود كلاب بريه مفترسه في مدينتهم ، بتنبح بشكل هستيري مش طبيعي اطلاقاً .. 
وطبعاً كلاب بريه مفترسه و مرعبه و مزعجة كانت مشكلة كبيرة .. مكنش فيه قدامهم غير حل واحد انهم يخلوا المدينه من السكان و بعدين يشوفوا حل في الكلاب دي
٩٠ الف واحد مشيو من بيوتهم بسبب كلاب بريه
متخيلين احساس الناس دي و قد ايه كان نفسها الارض تتشق و تبلع الكلاب المقرفه دي الي كركبت لهم حياتهم
و ده فعلاً الي حصل :) .. بعد ساعات من خروج السكان قام زلزال كبير جداً في المدينه جابها حقيقي على الارض .. و بعدها عرفوا ان الكلاب البريه دي كانت بتنبح بالشكل ده علشان تنبههم من الزلزال لان اول كائنات بتحس بالزلازل هي الحيوانات
...
الكلاب دي ربنا حركها في توقيت معين علشان تنقذ ٩٠ الف واحد انهم يموتوا
اتضرروا و كانو شايفين وجود الكلاب في مدينتهم كارثه .. بس في الحقيقه انها كارثة ظاهرها يبدو عذاب لكن باطنها فيه الرحمة 
..
في حياتنا كلنا عندنا كلاب طول الوقت بتنبح
كلاب بس ممكن تكون في صورة
فشل في طريق ولا عرف أكمله
وظيفه مقدرتش انجح فيها
خسارة فلوس
حادثة عربيه
مرض 
بتنبهنا و بتمنع عننا شر و كلنا زي سكان المدينه مضايقين منها و شايفينها عوائق ..
علشان كدة مفيش احسن من التسليم لادارة ربنا لحياتك طول الوقت .. فقد اعمل اللي تقدر علية وربنا سوف يكمل كل شي حسب مشيئته الصالحة
خلي سعادتك وفرحك كله في المسيح يسوع
صلي لربنا ان يثبت او يقوي او يزيد إيمانك كل واحد حسب درجته 
وثق دائما ان معاك اله قادر علي كل شي