اوقات حد يعمل موقف بسيط
يقول كلمه بسيطه بهزار
يقول كلمه بنيه بسيطه
فجاءه يلاقي نفسه اتحط جوه دايره ( س و ج)
والكلمه البسيطه اتفهمت غلط
والموقف اللي اتعمل بعشم هاتفضل تشرح انه مش قصدك لمده ايام وممكن محدش يقتنع اقولك علي حاجه تريحك
( اللي فهمك غلط وفهم الموقف او هزارك مش ببساطه اشرحله مره واحده لقيته صدق يبقي الانسان ده بيحبك اوي وعارف قلبك من جوه
لقيت انك بتضيع وقت في الشرح يبقي الشخص ده عمره ما عرف قلبك كويس وهو من الاساس بيعاملك وهو جواه شئ من ناحيتك بس مش قادر يقولك عليه وانت بتتعامل معاه عادي لكن هو مش عادي فتعمل ايه ؟
تنسحب بهدؤ وتشرح مره واحده اللي جوه قلبك بصدق وامانه وبس وربنا هو فاحص القلوب)
ماتضيعوش وقتكم انكم تبانوا كويسين عند ناس واخده قرار من جواها انك مش كويس
اعمل كل شئ بصدق وامانه امام الله وبس
وبكره اللي مش عارفك صح هايعرفك صح
واللي فاهمك غلطك هايحصل موقف من عند ربنا يخليه يفهمك صح
اصبر بس وماتعافرش مع ناس ترهقك
الكتاب المقدس بيقول ايه
"وَالْمُبَاحَثَاتُ الْغَبِيَّةُ وَالسَّخِيفَةُ اجْتَنِبْهَا، عَالِمًا أَنَّهَا تُوَلِّدُ خُصُومَاتٍ،" (2 تي 2: 23).