" الخشبة العازفة " 🎼🎺🎷
كان يا مكان كان فيه واحد شغال حطاب ، الدنيا برد راح قطع شوية خشب علشان يتدفي بيهم منهم خشباية ابتدأت تبكي وتقوله : من فضلك إرحمني وماترمنيش في النار ..
الحطاب رد عليها وقالها : لازم ارميكي في النار علشان إنتي مجرد خشبة ومالكيش لزمة ولازم تتحرقي .. الخشبة قاعدة تبكي ، عدي شيخ كبير في السن وسمع الحوار اللي دار بين الخشبة والحطاب وقال ممكن يا عم يا حطاب تديني الخشبة دي ، الحطاب قال لأ وألف لأ دي ملهاش عازة غير انها تترمي في النار ،
الراجل العجوز قاله خلاص انا هشتريها منك بالفلوس فرح الحطاب وأخد الفلوس من الراجل العجوز لكن العجوز طلب منه انه يقعد جنبه ويشرب شاي .. وأثناء مابيشرب الشاي طلع العجوز سكينة صغيرة وبدأ يقشر الخشبة ويفرغ اللي جواها وكمان يخرمها خروم ، الخشبة بردوا بتعيط .. ده كله والراجل الحطاب عمال يبص ومستغرب !!! ايه اللي بيعمله الراجل العجوز ده ؟؟!!
بعد شوية خلص العجوز توضيب الخشبة وبدأ يحط صوابعه علي الخروم اللي فيها وبدأ ينفخ فيها وبدأت الخشبة تطلع صوت نغمات وألحان جميلة كل اللي معدي عليهم يقعد يسمع صوت الألحان اللي بيعزفها الراجل العجوز اول ماخلص الناس كلها صقفت ومنهم اللي كان عايز يشتري منه الخشبة اقصد المزمار الجميل اللي عمله . صديقي الحكاية خلصت بس حبيت أقولك ان ده اللي بيعمله ربنا معانا
+ اشترانا بتمن غالي قوي ( دمه ) ..
+ بيحب يظبطنا ويهيئنا ( حتي لو هنتألم ) علشان يعزف بينا ألحان ونغمات رائعة . الرب يسوع بيحبك جداً ❤💐🐓🌹🐠🐫🌱🌴🐟🍃🕊🌲👏🏻🌳🌷🌿👏🐪
