من كام سنه كنت بتفرج علي فيلم بيحكي عن قصه حقيقيه بس طبعاً مش فاكره
التفاصيل..المهم كان في زي مُدَّرسه مسئوله عن مجموعه من الاطفال و كانت واخداهم رحله و كان ساعتها وقت حرب و حصل حاجه خليتهم لازم انهم يعدوا علي الناحيه التانيه من النهر اللي كان قدامهم بس مفيش اي حاجه موجوده تعديهم..ف-راح ولد صغير قالها "هو مش ربنا اللي شق البحر قدام موسي زمان هو هو ربنا دلوقتي؟هو متتغيرش صح؟" استغربت المُدّرسه اوي من رد فعل الطفل و ابتدت تصلي مع الاطفال لحد ما فجأه لقوا جنود بمراكب في النهر و انقذوهم..
الجمله اللي قالها الطفل ده كل ما بفتكرها بتحطنني قدام حقيقه احنا دايماً مش شايفنها..ان الله هو هو متغيرش لسه بيعمل معجزات و لسه بيغير و لسه "صالح".. تفتكر مشكلتك هتقف قدامه؟ ده شق بحر كامل و خلاهم يعدوا بينه تفتكر مش هيعرف يحللك ازمتك دي؟..
في نقطه مهمه اوي مش بناخد بالنا منها..مفيش حد من الشعب كان متوقع ان الله هيشق البحر كان كل اللي في دماغهم ان ربنا هيموت المصريين قبل ما يوصللهم..مش لازم ربنا ينفذ اللي كان " في توقعاتك" عشان يبقي حل مشكلتك..لأ ربنا عنده بدل الحل عشره و مفيش حاجه فيهم تخطر علي بالك..
سلّم المشكله دي لربنا زي ما موسي عمل..قوله انا محتاجك و مش عارف اعمل ايه..اتصرف انت..و صدقني عمرك ما هتندم علي اي حاجه سلمتها بين ايده..
#رسالةالحبالإهي
