لحن تحت الدكة (تينين)
كان في عهد البابا كيرلس الخامس (متهيألي) معلم هو الوحيد اللي حافظ لحن تينين و ماكانش عاوز يحفظه لحد خالص..
كان في بقي معلم ف الوقت ده عنده موهبة حفظ الالحان من اول مرة يسمعها يحفظها علي طول
البابا كيرلس عرف ان المعلم اللي حافظ لحن تينين ده مش عاوز يحفظه لحد
فقام البابا كيرلس طلب المعلم اللي بيحفظ بسرعة و قاله انا عاوزك تنزل تحت الدكة اللي انا قاعد عليها و احفظ اللحن اللي هتسمعه
و ف نفس الوقت البابا كان طلب من المعلم التاني يجيلو يسمعه اللحن فقام سمعه للبابا و المعلم التاني سمعه و حفظه تحت الدكة و اتشهر زمان بلحن تحت الدكة
و اتقال ان المعلم اللي بيحفظ بسرعة ده هو البتانوني
المعلم ميخاءيل البتانوني تنيح في عام 1957م
