.... (((( عيش متحكيش )))) .....
لـو فى يوم الخدمة كانت ناجحة معاك
والــرب كـــان جنبك ساندك ويــــاك
والوزنة بتاعتك ربحت هـنـا وهـنـــاك
والحمل  رغم تقله خف وبقى زى الريش
يبقى عيش متحكيش
...................
عيش الخدمة متبينش تعبك فيها
وان كـانـت حـلـوة الـزرعــــة
اوعـى تقـول انـــك ساقـيهــا
وان كـبـرت وجابت ثـمــرة
مـــش انـــت اللــى منميها
دا ربنا هو اللى ساعدك فيها
وادالك ثمرة زيها مفيش
يبقى عيش متحكيش
................
انت خادم
عــــــن فـضـايـلك مـتحكـيـش
عن نجاحك فى الخدمة مترغيش
لو جالك مديح قول ميلزمنيش
لو عايز سراجك مينطفيش
يبقى عيش متحكيش
...................
خـلـى بالك مــــــن كلمة انــــا
الانــا فــى الخدمــة متساويش
وكلامك عن نفسك طريق مينتهيش
ويوم ما تتفاخر هتنزل على مفيش
وتيجى تدور على زيت فى المصباح متلاقيش
يبقى عيش متحكيش
.......................
عيش الخدمة انسان متواضع
خــادم هــادى لـربـك راكــــع
انجيل معاش لصوت الهك سامع
تـنكـر ذاتـك ولصليبك
 رافــــع
وساعتها تكون حقيقي خادم
وتعيش متحكيش