ليه ابليس اختار يفجر في ناحية السيدات في الكنيسة؟
عشان هم اللي بيغرسوا محبة الكنيسة في قلوب ولادهم
هم اللي بيرضعوا ولادهم لبن الإيمان
دايما ناحية السيدات مليانة في كل قداس واجتماع
دايما واخدين ولادهم معاهم
زي يوكابد ما رضعت موسى لبن الإيمان
وزرعت جواه راعي يقدر يطلع شعب الله من أرض مصر
وبالإيمان يشق بحر عظيم بعصا خشب
إبليس قال اخلص من الأم والبنين
من الصدر الحنين والطفل الهين
إبليس أفلس
وبدل ما يفرح بالأشلاء السما فرحت بالشهداء
كل أم داخلة السما وفي ايديها طفل واتنين
والست رفقة بتستقبلهم هي وولادها
وحفلة تعارف مليانة بركة وفرح كتير
وفي الخلفية الملايكة بترنم أمدح في البتول
أصلهم معانا في كيهك
الله على تدبيرك الحسن يارب
طوباهم طوباهم
طوبى للبطون التي حملتكم
