فين ولادك؟ ..
ابنى الكبير فى طب ..
وبنتى الوسطانية فى هندسة ..
والصغير تانية ثانوى ..

باقولك فين ولادك؟ ..
آه معلش ..
ابنى وبنتى الكبار فى فريق السلة ..
والصغير بيلعب تنس ..

برضه ماعرفتش فين ولادك؟ ..
آه خلاص فهمت ..
الكبير دلوقتى فى النادى عنده بطولة ..
والبنت مع مامتها بيشتروا حاجات الخطوبة ..
والصغير مزنوق فى الدروس عشان المجموع ..

يا حبيبى انا سؤالى فين ولادك؟ ..
ولادى؟ .. فى عينيا طبعاً ..
هو انا عندى اغلى منهم ..

للأسف .. ولا اجابة صح ..
انا قصدى .. فين ولادك ماجوش معاك ليه؟

الاجابة .. صمت ..

ولادك ماجوش معاك ..
عشان انت عرفتهم طريق كل حاجة ..
الا طريقى ..

شجعتهم يتفوقوا فى حاجات كتير ..
إلا فى قربهم منى ..

خليتهم يهتموا بعلاقاتهم وشكلهم قدام الناس ..
ونسيت تخليهم ياخدوا بالهم من شكلهم قدامى ..

ودلوقتى .. انت جى عشان تدخل السما ..
فين ولادك بقى؟؟؟؟