( نجنا من الغلاء )
عبارة دايماً بنقولها في ختام التسبحة بس كنت بستغربها شوية
ليه نطلب علشان الغلاء و الماديات و احنا في التسبحة ، التسبحة بترفعنا للسماء و مش جوها طلبات من النوع دة
طبعا في الظروف العظيمة اللي عندنا دلوقتي عرفنا ان الغلاء دة فعلاً صعب قوي زي الاعداء كدة:) ومهما كان مستواك المادي حتعاني برضه من الغلاء بدرجة
المهم بقي ربنا ينجينا منه ازاي ؟
يقلل قيمة الدولار ؟ يزود دخلنا ؟ طب الاسعار تقل فجأة ؟ طب يخلي فيه بركة حتي لو معانا قليل ؟
مش لازم :)
ممكن نجنا من الغلاء تبقي يعني نجنا من شيل الهم و الخوف من المستقبل
نجنا من الانشغال بالمادة طول الوقت و نفتكر ان دي بس اماننا و احتياجنا
نجنا من العين اللي مش قادرة تشوف انك ضابط الكل و انك بتأكل العصافير
نجنا من اننا يبقي كل قلبنا في الدنيا و كنوزنا فيها و يبقي الكنز و القلب في السما. .. و تفضل التسبحة ترفعنا للسما :)
