#سفراعمالالرسل:

#بركات #وتحديات_الكرازه

اصحاح ١:
العدد محدود...والإمكانيات محدوده...واليهود والرومان ضد الكرازة...لكن التلاميذ بيحبوا بعض ورجع العدد 12.بمتياس

اصحاح 2...
.التلاميذ بيسمعوا الكلام صلاه.وحب...صح....لغايه مايتملوا بالروح القدس..اللغات كتيرة والإعداد كبيرة والحكاية تبان صعبه..لكن ربنا يدي نعمه وعظة وقبول والمكسب 3000

اصحاح 3...4...
نعمل ايه غير الصلاه....مافيش مجال للوعظ والكلام..ربنا يفتح الباب بشحات اعرج وتوصل الرساله للكبير والصغير..وتبان قوة غير معتادة وشهادة بشجاعة. .والمؤامرات شغاله وربنا شغال

اصحاح 5....
ازمه وموت وخوف...الموضوع بجد ..واللي يدخل لازم ياخد ها جد .....والموضوع قلب غم وسجن وال12 ممكن يطيروا مرة واحده لكن يطلع اللي يدافع عنهم من غير ترتيب وربنا يحميهم ولسه وراهم رساله..والفرح يزيد والكرازة تزيد والاضطهاد يزيد

اصحاح 6..7...
قديسين جداد ماكنوش في الحسبان يبتدوا شمامسه لكن كرازة تمام..من خدمه الغلابة للشهادة للاستشهاد علطول ..الوجع يزيد والشغل يزيد والعدد يزيد ...وواحد مش في الحسبان بيتر لكن ربنا له حسابات اخري

اصحاح 8...
يروح واحد يجي زميله..من نفس روحه ويعمل معجزات زيه وربنا يطول في عمره وننقل للسامرة ..و نفرز سيمون الخداع..ونوصل الحبشة في نفس الأصحاح والكرازة تجري...ومن بقي الي يمد ها لأقصى الارض

اصحاح 9...
ويتولد قزم يبقي عملاق...من الشمال لأقصى اليمين و سخن اوي عاوز يولعها..وربنا يقوله هدي ياحبيبي لما تستوي ..مش دمشق ولا أورشليم ولا طرطوس موحشلك اللي ماتحلمش به..

اصحاح 10...11..
والملايه تنزل والمشكله تكبر .....هو ينفع؟مش دول برضه أمم وكلاب هايبقي منهم قديسين؟ وعلي ايد من ؟..بطرس  بتاع الختان..حكمتك ياصاحب الكرازة

اصحاح 12...
ليه كده بقي ماكفايه خسرنا اسطفانوس ..ده واحد من الثلاثه الكبار والتاني عليه الدور..ارحم يارب ..الحق يارب.. وتتلحق. .. لا مش بس..ده كمان لازم انتقام من اللي من حقه وحده

اصحاح 13...14..
وجت الرساله الغريبه والنقله الكبيره..يللا نروح آسيا ومرقس مايقدرش دلوقت..والأبواب تفتح بالزق. .لكن وماله ..هو اللي قال.. وشوية وتجري من بلد لبلد ويبقي فيه كهنه وشعوب..في حتت ماحدش فكر فيها غير صاحب الخطه الكبيرة

اصحاح 15...
والشيطان هاج وماج. .وبعدين فيهم...لازم نخربها عليهم...نوقعهم في المحذور والشاطر يقدر يقول الختان ماعدش له لزوم..والكبار يقولوا ومايهمهمش والمؤامرة تبطل والوحدة تزيد ماتتهزش

 الاصحاح 16...17...18..
دي الرحله التانيه طويله ومشاكلها كتيره واليونان كبيرة ..والبلاد تنور ورا بعضها والفلسفة تتراجع قدام الحقيقه...مشاكل مالهاش آخر لكن معها ثمار كمان مالهاش اخر..

الاصحاح19..20..
الرحله الثالثه والاخيره ..قيامه اموات. ..حرفا وروحا. ..وافسس مش مستحمله اللي بيغير دماغ الناس ويضيع الالهه ....ووعظه للأجيال فيها الرعاية والوداع

الاصحاح 21..22..23..24..25...26..27..28....من سجن لسجن مؤامرات ماتخلصش والغريب الكرازة ماتقفش...والمسيح يظهر ويشجع والكنيسة تكبر حتي لو بولس غايب..ولازم نوصل روما ونموت ونصحي لكن العالم لازم يصحي...ومن السجن تستمر الكرازة وهاتفضل تنمو وتزداد واللي اشتغل بهم يشتغل بنا..الي نهايه الايام

ابونا داود لمعى