🌹 طُوبَى لِلْحَافِظِينَ الْحَقَّ وَلِلصَّانِعِ الْبِرَّ فِي كُلِّ حِينٍ. (مز3:106)
🌹 رسالة رب المجد يسوع ليا النهاردة..ياابنى علاقتك بيا هى سر حفظ قلبك..وعملك هو نتيجة طبيعية للعشرة معايا...
🌹 كتير بفكر ...ربنا عايز منى ايه....ربنا طالب منى ايه...؟ ياترى ربنا شايفنى ازاى...ياترى علاقتى بيه ازاى ...؟
🌹 النهاردة ربنا بيقدم لى الاجابة..طول ياابنى ماانت معايا دايما هاتسمع... طُوبَى لِلْحَافِظِينَ الْحَقَّ وَلِلصَّانِعِ الْبِرَّ فِي كُلِّ حِينٍ.
(مز3:106)
🌹 ربنا النهاردة بيقدم لى ذاته..الاله والأب المهتم بيا مش فى وقت ووقت لكن كل حين...كل حين يارب...؟ كل علاقة بيه نتيجتها الطبيعية العمل بالحق اللى عايش معاه بيه...كل بر نتيجة طبيعية انه يتم  من كتر العشرة وياه ....البر والحق بيه وفيه ومعاه...

🙏 إلهى الحبيب...
    مش عارف اقولك ايه يارب النهاردة وانت بتقولى... طُوبَى لِلْحَافِظِينَ الْحَقَّ وَلِلصَّانِعِ الْبِرَّ فِي كُلِّ حِينٍ. (مز3:106)
🙏 انت عارف يارب انى من غيرك مش هااعرف الحق ومن غيرك مش هاعمل بر ..فيك وبيك ومعاك القوة والقدرة كل حين...
🙏 واقف قدامك النهاردة وكلى امل فى علاقة معاك تشبعنى وتخلى كل عمل بعمله من ايديك وكل بر هو اعلان لصورتك جوايا ..كل وقت وكل اوان وكل حين...
🙏واقف قدامك النهاردة يارب ومكسوف منك قوى...مكسوف انى كنت فاكر ممكن اقدم الحق من غيرك واعمل البر بعيد عنك...مكسوف انى كنت فاكر الموضوع فضيلة مش عطية وهبة من ايديك...
🙏 واقف قدامك النهاردة وكلى عشم فى حياة جديدة استلمها من ايدك ..حياة مليانة بالفرح والحق والبر كل حين...انت عارف مليش غيرك ومليش حد اطلب منه غيرك...
🙏عشمى كل حين فى اهتمامك بيا ورعايتك ليا وعينيك اللى من اول يوم فى السنة عليا...
🙏اشكرك...
     اشكرك..
🌹🙏🌹🙏🌹