أبونا أغناطيوس أنبا بيشوي: احسبها صح

اجتمعت مع واحد صاحبي بروتستانتي و بحبه جدا ... ... قالي احنا واحد ... عشان محرجهوش قلت له انت شايف كده ... قالي اه .

+ قلت له طب ايه رأيك طالما احنا واحد نقعد فترة من الزمن مع بعض

قالي ماشي

- كان يوم جمعة ... اول يوم قلت له يا مش تيجي معايا قداس نصلي

قالي لا احنا واحد بس انت بتروح تعبد اوثان مش هقدر اصلي معاك ... بس احنا واحد

سبته و نزلت حضرت القداس و رجعت بعد الخدمة اتغدي و انام

- صحيت علي 5 بعد الضهر مسكت الاجبية و بقوله يلا نصلي

قالي معلش انا بصلي مع نفسي و مش لازم كلام محفوظ

مش هقدر اصلي معاك بس احنا واحد ... قلت له ماشي

- صليت بعد ما خلصت قلت له تعال نقرأ الكتاب في سفر يشوع بن سيراخ

قالي لأ مش هقدر اقرأ معاك ده سفر منحول مش بؤمن بيه

بس احنا واحد

- جاء السبت رجعت من الشغل قلت له تعالي يا ... . ننزل تسبحه ... . قالي معلش مش هقدر أصلي معاك تسبحه لاني بصلي ليسوع مش لاي حد تاني و لا عدرا و لا ناس عندكم بتسموهم قديسين ... . بس احنا واحد

- يوم الاحد شفت اخته قلت له اختك مرتبطه قالي ليه

قلت له عندي عريس ... . قالي هي الحقيقة مش هينفع ترتبط غير بواحد مؤمن انجيلي يعني . سوري احنا واحد بس مش هينقع

- جاء يوم الاربع قلت له النهاردة صيام يا ... .

قالي لا معنديش مشاكل عشان اصوم لها ... . مش هصوم معاك ... . سوري بس احنا واحد

- جاء الخميس قلت له تعالي نقرأ عهد جديد ... .قالي ماشي

قلت بس نقرأ تفسير ابونا تادرس فيه اقوال اباء

قالي لأ معلش انا بفهم بفكري انا عندي الروح القدس زي ابائك

مش هينفع اقرأ معاك ... . بس احنا واحد

خلص الاسبوع ... .قلت له

† احنا واحد في ايه؟؟

ولا صلاة ولا صوم و لا قداس ولا تسبحه ولا ميطانية و لا كتاب ولا تفاسير ولا شفاعة ولا جواز و لا اسرار ... ... احنا واحد في ايه؟؟

+ هز رأسة و قالي خد ال500 جنية دي و احسبها صح.!!!!