صفحة أبونا أغناطيوس الأنبا بيشوي

صفحة المتحدث الرسمي بإسم الكنيسة القبطية الارثوذكسية

كان متعوِّد كل يوم الصُّبح ... يتمشَّى على البحر قبل ما يروح شُغلُه ...

وفي يوم شاف شاب بيمسك حاجات على الرمل ... ويجري ناحية البحر ويرميها فيه بقُوَّة ...

راح وقرَّب منه لقاه بيرمي سمك "نجم البحر" ...

سأله "بتعمل إيه؟" ...

فالشاب قاله "بنقذ نجم البحر من الموت وبرجَّعه البحر" ...

فراح قاله له "اللي بتعمله ملوش لازمة ...

لأن الشاطئ مليان سمك ومستحيل هتقدر تنقذه كُلُّه" ...

راح الشاب بصِّله باستغراب ...

ومسك نجم بحر تاني ورماه في البحر ...

وبعدين قاله "اللي عملته دلوقتي هينقذ نجمة البحر دي"

فالعالِم الحكيم اتغاظ عشان معرفش يرد عليه وسابه ومشي ...

بعد تفكير عميق في اللي قاله الشاب ...

راح العالِم تاني يوم للشاطئ وشاف الشاب في نفس المكان ...

راحله وابتسم وابتدى يمسك نجم البحر ويرجَّعه للبحر ...

عشان ينقذه زي ما الشاب بينقذ اللي يقدر عليه!

الحكمة:

إعمل اللي عليك مهما كان بسيط ...

ومهما كان الناس شايفينه ملوش لازمة ...

مش مهم تنقذ كل السمك، المهم تنقذ السمك الموجود فى طريقك