- انا وصلت لمرحلة نفسية صعبة ... هسيب الخدمة
- انا حالتي الروحية اتدهورت ... هسيب الخدمة
- عندي مشاكل ملهاش اول من آخر ... هسيب الخدمة
- مش قادر اتأقلم مع الناس اللي في الخدمة .. هسيب الخدمة
- ظروف الشغل مش هتخليني اعرف اخدم زي الاول ... هسيب الخدمة
- محدش مقدر تعبي كأني مبعملش حاجه ... هسيب الخدمة

** ممكن كلمتين :)
- الانسان المسيحى مبيخدمش علشان هو #كويس ، بيخدم علشان يبقى_كويس
-لقد أصبحت النغمة السائدة أمام أى مشكلة: أنا هسيب الخدمة دى!!!! وقد تكون نتيجة تقصيرهم الشخصى!!!
+ صديقى ... أيها الخادم فى بيعة المسيح...
أسأل نفسك أنا راعى ولا أجير؟؟؟
أنا فاهم معنى أن الخدمة جندية روحية مافيهاش تهاون ولا كرامة ولا ذات ولا فاهم أن الخدمة حقوق ورتب وتقدير ومجاملات وطبطبة وجبر خواطر؟؟!!!
مستوعب فكرة أنك جندى يرأسه قيادات يجب أحترامها وتقديرها ... ومطيع لمن وكله الله ووكلته الكنيسة من رتب تعلوك؟؟ ولا ماشى بفكرك وتغضب لو ماأتنفذش؟؟
مستوعب أنك داخل تضحى بوقتك وصحتك وجهدك ومالك عشان خاطر المسيح وولاده لأنه من احب أبا أو أما أو زوجة أو أولاد أكتر منه فلا يستحقه..ولا بتدى ربنا من فضلاتك وما تبقى من جهدك؟؟
فاهم يعنى أيه أحنا فى حالة حرب ولازم هتواجهنا مشاكل ومضايقات من الشيطان ولا بندور على الخدمة السهلة بدون تحمل مسئوليات ؟؟
كل اللى خدموا الخدمة السهلة ... وفضلوا راحتهم الشخصية ... ورفضوا الخدمة الصعبة والتضحية بما فى أمكانهم عمله ... أختلفت صورة الخدمة المريحة اللى فى أذهانهم ... وظهر تقصيرهم ... كلهم أنتهى بهم الأمر لترك الخدمة ... وللأسف لم يسأل عنهم ولا تذكرهم أحداً من أبنائهم ... !!
فمن يتذكر راعياً هرب وترك رعيته لأبليس!!
ومن يتذكر راعياً غفلت عيناه وثقل عليه نوم الكسل وترك رعيته !!

+ أيها الخادم الجندى ..
تذكر #مدينة_الخدام التى مسجل فيها أسمك فى أورشليم السمائية..
تذكر أن وزناتك هى أمانة أعطاها لك الله لتتعب وتتاجر وتسهر وتضحى وتبذل لا أن تدفنها فى الرمال وتتذمر من قسوة وشدة الله أو مرشدك..
وأخيراً...تذكر أن كلمة (ملعون) فى الكتاب المقدس هى من أقل الكلمات التى أستخدمها الله..ولكنه قال:
† ملعـــــــــون كل من يعمل عمل الرب برخــــــــــاوة

-- لا تترك الخدمة تحت شعار انا غير مستحق