ياابونا ... انا مش هاحضر الكنيسة تاني ...

أبونا ...

 ليه يااستاذ ??...

انا بشوف الناس في الكنيسة اللي بيلعب في الموبيل واللي عمالين يتكلموا وينموا ... ناس بتمثل ياابونا ... منافقين ...

ابونا سكت ...

طيب ممكن قبل ما تأخد قرارك ده ... تعمل حاجة عشان خاطري ...

اوك ياابونا ...

خد كوباية مياه ولف حوالين الكنيسة مرتين ومش عاوز ولانقطة مياه تقع منك ...

انا أأقدر طبعا ياأبونا ...حاضر ...

ورجع ونجح انه ولانقطة مياه تقع ...

راح أبونا سأله 3 أسئلة ...

1 - شفت حد بيلعب في الموبيل ... ?? ...

2 - شفت حد بينم ويوشي ...??

3 - شفت حد بيتصرف غلط ... ?? ...

ماشفتش حاجة ياابونا ... لأني كنت مركز في الكوباية وان مفيش نقطة مياه تقع منها ...

طب ياحبيبي ... شوف بقي ...

† لما تيجي الكنيسة ... تركز علي ربنا بس ... عشان انت ماتقعش ...

† عشان كده يسوع قال اتبعني انا ... ماقالش اتبع المسيحيين ...

☺ احمر وجه الرجل وقال فهمت ياابونا ... حاضر ...