بالسكوت رجع حمل
 كان هايضيع🍹

يروى ابونا بولس جورج هذه الحكاية التى حدثت بالفعل
 مع احد الكهنة وبيقول
فى ولد من اولاد الكنيسة اتلم على مجموعة مش مسيحية بداوا يكلموة ويشككوة فى الايمان وفى الكتاب المقدس ويجيبو له شرائط ويقولو له الانجيل متناقض وهو انسان بسيط فى التعليم فسمع لكلامهم.

المهم خدوه وقعدوه فى بيت فى حالة من حالات التحفظ علشان تانى يوم يكملوا الاجراءات ويغير دينة
وابونا عرف وكان الوقت متاخر بالليل وكان الجو شتاء ومافيش حد ممكن يبعتة بس ابونا عرف العنوان اللى فيه الناس دول.
 بس كان اللى يعرف ان ابونا بيفكر يروح له كان يحذر ابونا ويقوله لا يا ابونا متروحش انت متضمنش هما ممكن يعملوا معاك اية دول متحفظين علية وفى حالة تحدى ومنعرفش اية اللى ممكن يحصل لو انت دخلت عندهم ؟؟
شوف حد تانى ومتروحش
 انت يا ابونا المهم ابونا سمع لكلامهم وقال لهم حاضر .
لكن بعد ما قال لهم حاضر بساعة لقى نار فى قلبة وكلم ربنا وقال هقف قدامك واقول اية ؟؟؟
ده داود علشان خروف مالوش ثمن جرى ورا اسد وديب ،
وانا هفضل قاعد هنا كمشان فى مكتبى
 وقرر ابونا وقام راح للناس وضرب الجرس هما شافوه اتخضوا جامد وهما كانو
 6 مقيمين معاه
 ابونا دخل وقعد معاهم وكل واحد من الستة قال كلام زى الرصاص لابونا تريقه وهجوم عليه وعلى اللبس الكهنوتى والكنيسه والكتاب المقدس والايمان المسيحى وعلى المسيح وابونا ساكت
 مفتحش بقه
 وكانت حكمة ربنا من كدة
ان من كتر ما هما اتكلموا
فى حق ابونا وهو ساكت ومستحمل علشان الولد ده
 الروح القدس بكت الولد ده اللى خلاص كان رايح تانى
 يوم يغير دينة
الولد  وقف على حيله وقال لهم كل واحد فيكوا يخرس ويحط لسانة فى بقه
وقال تعالى يا ابونا كفايه دخلتك علشان تجبنى خلاص انا نازل معاك .

لأن غيرة بيتك أكلتني، وتعييرات معيريك وقعت  علي ( مز 69 : 9 )