عارف يعني ايه تعمل تفجير في الكاتدرائية؟ ...
يعني ده اكثر مكان بيستقبل مصليين في يوم الأحد ...  خطه ذكيه جدا اهنئك

عارف يعني ايه تختار اول ليله في سهرات كيهك ؟... 
يعني  الناس كلها رايحه تسبح و تبات و تفرح مع العذراء مريم امهم   ... خطه ذكيه جدا اهنئك

عارف يعني ايه  تختار يوم اجازه ؟ ...
يعني الناس كلها رايحه بثقه تصلي  و مش بتفكر حتي ايه اللي  هيحصل بكره ... خطه ذكيه جدا اهنئك 👏🏻

مبروك خطتك نجحت
بس للأسف انت فشلت

انت اخترت الناس الغلط ...
اخترت ناس ربهم قوي  ...
اخترت ناس فاخوره انها تموت في حضن ربنا

عارف يعني ايه ام واقفه تصلي علي الارض  و مغمضه عينها بتشكي همومها لابوها ...
 تفتح  عيونها تلاقيه قدامها ! يا  فرحتها اللي مش سيعاها.

عارف فرحه الطفل اللي قتلته ...
 ده قد ايه وهو ملاك صغير بيلعب و يتنطط حوالين رب المجد !
  ده شفيع صغير بيصليلنا 🙏🏻

عارف باللي انت عملته ده هيرجع كام خاطئ لربنا لما يفكر انه بجد خلاص أيامنا بقت معدوده علي الارض !  انت بجد  فشلت

فاكرنا هنخاف ؟
فاكرنا هنتعب؟
فاكرنا هنعاتب ربنا؟
فاكرنا هنخاصمه ؟
فاكرنا هنبطل نحتفل ؟

تبقي غلطان احنا الهنا عظيم وواثقين فيه حكمته وإذا كنّا زعلانين ف ده لفراقهم  مش لمعتابته
ربنا هيرد عليك في الوقت اللي شايفه صح اصله عمره م ساب حق ولاده و لا سمح يجرحهم

أنهارده  بقالنا شهداء جداد في السماء هيصلولنا ونتشفع بيهم وربنا هو اللي قادر يعزي ويشفي أهليهم

ربنا باعتلنا رساله وصلت ... واخد الرد ...
عمر م أبواب الجحيم هتقوي علي بيت الرب

ملاك الزبيحه أنهارده طالع مهلل لأبوه  جايب ملايكه صغيره بالتسبيح هيسعدوه

اوعي تفكر انك نجحت
انت فشلت فشل زريع نتيجته هتبقي عليك صعبه أصل احنا خلاص  اتعزينا

هنصليلك ربنا يهديك ويعلمك تحب اعدائك زينا