بعد لحظات من التفجير ..

تهيأ الشهيد محمود للدخول للنعيم والحور العين والاشجار والانهار واذ يرفع رأسه رأي نفسه محاطاً بالشياطين واحدهم يجلده بكرباج من نار

- استنوا استنوا انا مش من عباد الصليب انا من المجاهدين انتوا فاكريني معاهم لا ده انا السبب في هلاكهم وبابتسامة عريضة لم تدم طويلاً حينما راي صفوف الشهداء

يلبسون الملابس البيضاء وتحملهم الملائكة..

وسأل هوا في ايه ؟؟؟ هيا الدنيا اتعكست ليه انا اللي المفروض ابقي مكانهم

رد عليه احد الشياطين لا ياحبيبي هوا ده الوضع الصحيح انتا معاااانااااا وهما راحوا ل..  لل.. لربنا

رد محمود طب منا قتلتهم بامر ربنا وعلشان انفذ شرعه وادافع عن دينه

- وهوا ربنا محتاج لحد يدافع عنه ؟؟؟ وهل شرعه تقتل ناس ابرياء ماعملتش حاجة بيصلوا لكل الناس حتي اعدائهم

محمود: طب خلاص ممكن اعتزر لهم واروح معاهم

تعالت ضحكات الشياطين ورد احدهم لا ياحبيبي انتا معانا انت في المكان الذي حيث لا ينفع الندددددم

حزن محمود وهو يري الملائكة تحتضن الشهداء وتضع علي رأسهم اكاليل من نور وبعض الملائكة يلمسوهم بغرض اخذ البركة منهم ثم سأل انا مصيري ايه ؟

رد احد الشياطين لهيب ونار وعذاب ويأس وحزن عميق للابد بس

كل ده ؟؟ انا عملت ايه ؟؟

تعالا اوريك انتا عملت ايه

شايف منظر الكنيسة بقي ازاي كله دم ودخان واشلاء ودم بسببك
شايف منظر الست دي وهيا بتتسحل لانها مش قادرة تمشي وهيا حاطة ايديها الاتنين علي صناديق بناتها
شايف البنت اللي بتعزي ابوها في وفاة امها
شايف الناس اللي متجمعين حوالين الطفلة البريئة دي اللي اغلي من نور عينيهم انها ماتموتش عملولك ايه ها ؟؟
سواد وصويت ودم وادوية ودموع ومرار وحزن كل ده بسببك

تعالي اوريك جنازتهم دي بيسموها جنازة عسكرية شايف قد ايه ناس موتهم عموما ده تكريم ارضي ملوش لازمة

طب وانا جثتي فين..

تعالي للمشرحة شايف الاشلاء المحروقة دي... دي انتا..

هما مادفنونيش ليه..

لا يدفنوك ايه لسه لازم يخيطوا في وشك ويصوروا جثتك للناس علشان يعلنوا انك منفذ العملية..

طب واهلي هايشوفوها ؟؟؟؟؟؟

طبعاااااااااا الملايين هايشوفوا جثتك ومش هايترحموا عليها من ضمنهم اهلك هما حابسين نفسهم وفي خزي عظيم لدرجة انهم مش قادرين يشوفوا حد ..

يعني اللي عملته مافرحش حد ؟؟

لا طبعاً فرح الشامتين اللي معندهمش انسانية وفرح بتوع داعش اللي اصدروا بيان يتوعدوا فيه المسيحيين بالمزيد

ايه لاااااااااا لازم انزل اقولهم مايقتلوش حد منهم علشان حرام

دلوقتي عرفت انه حرام ؟

طب انزل علي الاقل علشان انجي المسيحيين من ايديهم انا لو قلتلهم انا رايح فين هايفهموا ويصدقوني .. مصيبة لايقتلوا حد تاني

ضحك الشيطان وربت علي كتفه يااااه تحس بسمع ملاك بيتكلم ايه الانسانية دي ما انتا عملت كده يامحمود شفيق ياللي عمرك ماكنت شفيق ولا تعرف الشفقة قلبك

مصيبة ايه انتا شايفهم في مصيبة اجسادهم دفنت بسلام وسيرتهم هاتبقي بركة لاهلهم وارواحهم هاتدخل للنور السماوي

انتا اللي في مصيبة ويلا علشان تيجي معانا بقي حيث النار لا تطفأ والدود لا يموت

يمضي محمود في خزي عظيم

#يارب_لا_تقم_له_هذه_خطية
#ببركة_الشهدا_سامحه_يارب

المعلم مينا ملاك