الخلاصة بعد كل التعليقات اللى اتكتبت

لازم الخلاصة تكون من الكتاب المقدس ....لازم تقراء الأحداث بعين الأنجيل
من الأخر كده لما تيجى تقراء فى سفر الرؤيا
ولما تعرف ان سفر الرؤيا كٌتب ما بين عام 90 إلى عام 96 م
ستعلم ان هذه النبوة مر عليها 1920عام ..تحققت فى عصور كثير وبتتحقق وستظل تتحقق.
وأقراء السنكسار ...وشوف الأيقونات اللى فى الكنيسة .....هتعرف .

لما تقراء الأنجيل هتعرف :- أن
" جميع الذين يريدون ان يعيشوا بالتقوى في المسيح يسوع يضطهدون"
( 2 تي 3: 12 )

عاوز تبكى وتنوح وتغضب ..هقولك تبكى على ايه ومين بس من غير زعل كدة:-
أبكى على نفسك وانت لسه مٌقيد فى سجارة او عادة او مخدرات
أبكى على كل شاب او بنت ساب المسيح علشان علاقة او مادة .
أبكى على كل قلب فيه كراهية ولسه بيخاصم وفاكرها هتدوم .
أبكى على كل شاب وكل بنت مدمن مخدرات او انحرافات جنسية .
أبكى على اللى عمل كده و لسه مقتنع ان قتل الناس بيفرح الله .

أشجعك جدا ان تأخذ موقف تحاسب فيه نفسك
وسيبنا بقى من الكلام اللى مش بيبنى  والسلامات والمجاملات والاڤورة و الكلام اللى متعودين نسمعة بعد كل حادث وكل مشكلة

مش انت بتؤمن بالأنجيل وتفتخر ....يبقى :-
"فقط عيشوا كما يحق لأنجيل المسيح " (في 1: 27 )
وفقط تٌعنى اى وبـس الأنجيل وبس

من الأخر الأحداث دى يٌخرج الله من الجافى حلاوة ...والحلاوة انك تســـــتعد .
والحلاوة انك تّدرك ان هناك نفوس لا تعرف المسيح فى ظل هذه الأحداث بتبدء تقارن وتراجع انفوسها ...فتخلص .
" الناس اللى ماتت دى ..قبلها بدقيقة كانوا فاكرين الموت بعيد "
ايها الوعاظ  على الفيس اصمتو فهناك وعظة حية
وهى الموت
وفر وقت......
روح #توب