قصة رمزية🍹

قاعده بأكل بنت صغيره همبورجر وبحطلها عليه  كاتشب
وكل شوية تيجي تفتحلي بوقها وتقولي يح ...
اقوم ازعقلها واقولها البرجر بارد بطلي تمثيل هتاكلي  يعني هتاكلي

والبنت تعيط وانا ازعق

وفي الأخر تبلعه

 فضل الغولب ده لحد ما خلصت الأكل

مامتها كانت بتعمل حاجات

 في المطبخ جت خدتها مني وراحت البنت نامت في حضنها
بدأت اشيل الأكل وفتحت التلاجه علشان احط إزازة الكاتشب ،

لكن كانت المفاجأة اني سحبت الأزازة المشطشطه بدل العادية وأكلتها منها ...
ساعتها اتصدمت

 وقلبي اتقبض

 اديتلها من الإزازة الغلط والبنت كانت بتعيط وتقولي يح

وانا كنت مفكرها بتتكلم عن سخونة البرجر ،

أتاريها بتتكلم عن شطشطت الكاتشب

جريت اطبطب عليها وهي نايمة وابوسها واقولها انا اسفه محستش بوجعك علشان مدوقتوش
 • كم مرة بنلهلب غيرنا بأفعالنا وبنوجعهم وبنتلذذ بدموعهم ونقولهم بطلوا تمثيل
 • كم مرة نيمنا غيرنا معيط بسببنا
 • كم مرة جرحنا غيرنا من غير مانحس ومن غير ماناخد بالنا
 • كم مرة فكرنا ان كلامنا بلسم وهو في الحقيقة مية نار في قلوب اللي قدامنا

لو كل واحد داق اللي هيقدمه لغيره من كلمة
او فعل قبل مايقدمه
كانت الغابة البشرية
اتحولت لجنة أرضيه
لكن للأسف ،
كسبنا كل الصفات السيئة وفقدنا نعمة الإحساس🍁